Jerimaia 3:7 - Edo Bible (E Baibol Ẹdo) Version 1996

⁷ Mẹ te gha ro wẹ ọ gha do avbe ẹki na hia fo nẹ, ọ gha dọlegbe bu mwẹ rre sokpan, ọ ma dọlegbe rre, aro e Juda ne ọtiọnrẹn ne ọ ma guobọ ọdọ wa sẹ emwi na ehia.

Jerimaia 3:7 ပူးပေါင်းရင်းမြစ်များ

II Krọnikol 17:4

Ọ ke gha ga Osanobua erha ẹe ọ kegha hẹnmwẹ ne Osanobua ọ ma vbe gha ru vbene avbe ọba ọghe Izrẹl gha ru.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 33:24

“U ma miẹn vbene emwa tae khian hẹ wẹ mẹ he Izrẹl kevbe Juda yotọ nẹ, ẹgbẹe eva ne imẹ hannọ zẹ. Iran keghi rhunmwuda ọnii, gha ye aro gbe emwa mwẹ re, iran i ghi vbe ka iran ye uhunmwu ẹvbo.

Jerimaia 5:11

Ivbi Izrẹl kevbe ivbi e Jerusalẹm wa ya mwẹ ne avbokho fẹẹrẹ. Mẹ ne Nọyaẹnmwa ọre ọ taa ẹe.”

Ezikiẹl 16:46

Ọtuẹn nokhuo nọdiọn, ke ẹe ke avbe igue ne ọ mwẹ, ọrọre Sameria ne ọ rre odẹ okuọ. Ọtuẹn nokhuo nekherhe, ke ẹe ke avbe igue ẹre, ọrọre Sọdom vbe odẹ ekẹn.

Ezikiẹl 16:47

“Ọ ma sẹ uwẹ ọkẹn ra ne u gha la odẹ ne iran lae, ne u vbe gha yegbe ta uyinmwẹ ẹwia iran? Hiehiere, vbe ovbi ẹghẹ kherhe, u ke ru emwi ne ọ rhia sẹ ọghe iran vbe emwi ne u ru hia.”

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Emọs 4:8

Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Malakai 2:11

Iran mu awua la uwu Ọgua Osa ne Nọyaẹnmwa ho ẹmwẹ ọnrẹn. Ikpia mwẹ ikhuo ne iran viọ re ni gho ẹbọ ẹrrẹe.