Jerimaia 3:24 - Edo Bible (E Baibol Ẹdo) Version 1996

²⁴ Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 3:24 ပူးပေါင်းရင်းမြစ်များ

Jerimaia 11:13

Vbene avbe okpẹvbo ne ivbi e Juda mwẹ bun sẹ, ọ re ẹbọ ne iran mwẹ vbe bun sẹ, iran ni rre Jerusalẹm, vbene idunmwu ne iran mwẹ bun sẹ, ọ re avbe Ogiukpo ne iran na zọ ese ghe ẹbọ osọnnọ nii ighe Baal vbe bun sẹ.

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 44:7

Rhunmwuda ọnii nian, te imẹ ne Nọyaẹnmwa ne Oghodua ne Osanobua Izrẹl ghi nọ nian wẹ, vbọzẹ ne uwa na ru egbe uwa emwi oya vbenian yi. Te uwa ho ne ọkhọ rruan ikpia kevbe ikhuo emọ obọ kevbe emọ owẹ, vbene a gha na miẹn wẹ, ẹ i ghi zẹdẹ kẹe vbe emwa uwa?

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Jerimaia 9:18

Emwa nii keghi kha wẹẹ, “Wa tama iran ne iran zẹgiẹgiẹ, ne iran so ihuan irorinmwi ne ima, rhinrin aro mwa te vuọn ne ameve ne ifuẹn aro mwẹ gbọfọ rhunmwuda eve.”

Ezikiẹl 16:19

I viọ evbare ne uẹn — avbe irhuarhua ne ọ maa sẹẹ ke ofigbọn oliv kevbe owọn, sokpan, u keghi ya ehia mu ohan, ne avbe amazẹ miẹn ehe na gha ghe ruẹ ẹse.” Erriọ Nọyaẹnmwa ne Udazi khare.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 16:61

U gha rẹn emwi ne u ru, ekhue ghi vbe mu ẹẹn vbe avbe otuẹn nokhuo nọdiọn ke ọtuẹn nokhuo nekherhe a rre. I gha gie iran gha yevbe emọ ikhuo ne uẹn, a gha rhe rẹn ighe ọna i rre ile ne I gu uẹ ta.

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.