Jerimaia 3:19 - Edo Bible (E Baibol Ẹdo) Version 1996

¹⁹ E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 3:19 ပူးပေါင်းရင်းမြစ်များ

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Psalm 16:6

Okhekhe ọ re emwi ne u ya mẹ hia khin u miẹn vbe iran ma hẹ!

Psalm 89:26

Rẹn gha tama mwẹ wẹẹ, ‘wẹ ọrọre erha mwẹ kevbe Osanobua mwẹ; wẹ ọrọre ne ọ degue mwẹ kevbe ọmiọnmwafan mwẹ.’

Itan 3:35

Emwa ni wan gha titi vbe ọghọ sokpan, te akpa ra gha dọlegbe ya obọ silo efaa rri egbe.

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Aizaia 64:8

Sokpan, wẹ ọrọre erha mwa, Nọyaẹnmwa, te ima yevbe obuẹ, wẹ keghi yevbe ọmakhe. Wẹ ọ re ọ yi ima,

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 3:17

Ọ gha sẹ ẹghẹ nii, a ghi do gha tie Jerusalẹm ‘Ẹkete Nọyaẹnmwa;’ uhunmwu ẹvbo hia gha vbe sikoko ye evba ne iran do ga mwẹ. Ẹ i re emwi ne ekhọe iran ne ọ wo nii kevbe ọghe dan nii tama iran ọ re iran ghẹ ghi gha ru.

Jerimaia 3:4

“Eban nian, wa do gha tama mwẹ wẹẹ, ‘Wẹ ọre erha mwẹ te uwa gha hoẹmwẹ mwẹ ke ẹghẹ ọvbokhan mwẹ gha dee.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Daniẹl 11:16

Ivbi e Siria ni mu okuo rre gha ru iran zẹ vbene ọ khọn iran, vbe ne a i na wẹ ẹre vbe ọ ya de. Ọ gha mudia vbe Otọe Eyan nii ehia ghi wa gha rre ọre atataobọ.

Daniẹl 11:41

Ọ gha vbe mu okuo la Otọe Eyan nii ne arẹngbe. Ọ gha gbele arriaisẹn vbe ihe igbe nibun, sokpan avbe ẹvbo zẹ vbe Idọm, e Moab, kevbe ehe ne ọ ghi kẹe vbe Amọn, gha lẹ fe vbe obọ ẹre.

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Daniẹl 8:9

Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Ẹfisọs 1:5

Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Hibru 10:39

Ma i rre uwu emwa ni werriegbe, iran na vbe wirua, sokpan ma mwẹ iyayi, a keghi miẹn mwa fan.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.