Jerimaia 3:10 - Edo Bible (E Baibol Ẹdo) Version 1996

¹⁰ Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 3:10 ပူးပေါင်းရင်းမြစ်များ

II Krọnikol 34:33

E Josaia keghi guọghọ avbe amazẹ osọnnọ ni te rre otọ ivbi Izrẹl. Vbe uwu ẹghẹ ne ọ ya ẹe vbe agbọn hia, ọ keghi ru ẹe ne a miẹn wẹ emwa ni hia ga e Nọyaẹnmwa ne Osanobua avbe erha iran odede.

Psalm 18:44

Avbe orhunmwuyẹn ghi gha diguẹ mẹ. Iran gha họn urhu mwẹ iran ghi gha ru vbene I khare.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Malakai 2:11

Iran mu awua la uwu Ọgua Osa ne Nọyaẹnmwa ho ẹmwẹ ọnrẹn. Ikpia mwẹ ikhuo ne iran viọ re ni gho ẹbọ ẹrrẹe.