Jerimaia 29:7 - Edo Bible (E Baibol Ẹdo) Version 1996

⁷ Wa gha ru emwi ne ọ maa ye dọmwadẹ ẹvbo ne I kue ne a viọ uwa oghunmwu gha rrie. Wa gha na erhunmwu ghe mwẹ ne iran rhunmwuda, agbọn gha maa iran, ọ gha vbe maa uwa.

Jerimaia 29:7 ပူးပေါင်းရင်းမြစ်များ

Ẹzra 6:10

Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.

Ẹzra 7:23

U ghi gbe aro ke otọ ne u ya viọ emwi hia ne Osanobua Ẹrinmwi gualọ vbe Ọgua Osa ẹre yọ, ne u vbe miẹn wẹ ọ ma mu ohu mwẹ ra ọghe iran ni gha rriọba lele mwẹ ẹdẹ ne akhuẹ.

Psalm 122:6

Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Ebe ne Pọl gbẹẹn gie emwa Rom 13:1

Ọ kere ne emwa hia gha họn ẹmwẹ ne avbe ukọ ẹvbo, rhunmwuda asẹ ọkpa i sẹtin gha rrọọ vbe ẹ i re te Osanobua ye obọ yọ, avbe emwa ni rre asẹ hia, Osanobua ọre ọ viọ iran ye evba.

Ebe ne Pọl gbẹẹn gie emwa Rom 13:5

Rhunmwuda ọna ọre a na miẹn wẹ iwinna uwa nọ ne uwa gha họn ẹmwẹ ne iran ni rre asẹ, ẹ i re rhunmwuda afianma izohu Osanobua ọkpa, sokpan zẹ vbe ne ekhọe ọmwa i na gu ọmwa gui.