Jerimaia 29:31 - Edo Bible (E Baibol Ẹdo) Version 1996

^31-32 Ne I gie ne a tama avbe oghunmwu vbe Babilọn vbekpa Siemaia wẹẹ: “Mẹ ne Nọyaẹnmwa gha rri e Siemaia oya kevbe ivbi uniẹn ọnrẹn hia. I ma gie ẹe sokpan, ọ kegha gu uwa guan vbene a miẹn wẹ akhasẹ nọ, ọ na gie uwa gha ya ohoghe yi. Rẹn i khian gha mwẹ ivbi uniẹn ọnrẹn vbe ehe ne uwa ye. Ẹ i ra tọ ne aro ẹre sẹ emwi esi ne I ra ru ne emwa mwẹ, rhunmwuda, ọ tama iran ne iran sọtẹ mwẹ. Mẹ ne Nọyaẹnmwa taa ẹe nẹ.”

Jerimaia 29:31 ပူးပေါင်းရင်းမြစ်များ

I Ọba 13:18

Ẹre Akhasẹ ne ediọnmwa ne ọ rre Bẹtẹl nii na tama rẹn wẹẹ, “Akhasẹ vbe ruẹ ọ re imẹ vbe khin, e Nọyaẹnmwa ọ re ọ vbe gie odibo ẹre gun mwẹ wẹ ne I rhie ruẹ gha rrie owa, ne I ya mu ọghọ ye uẹ egbe.” Sokpan ohoghe ọ re akhasẹ ne ediọnmwa nii gha ta.

Jerimaia 23:21

E Nọyaẹnmwa khare wẹẹ, “I ma gie avbe akhasẹ na, sevba, iran keghi ye gha khian, I ma zẹdẹ gie iran uhunmwu sokpan, iran ke ya gha ya eni mwẹ guan.

Jerimaia 29:20

Wa hia fẹẹrẹ ne I gie ẹre iwe vbe Babilọn, wa ghi danmwehọ vbene I khare.’

Jerimaia 29:30

Ẹre Nọyaẹnmwa na tama mwẹ wẹ.

Jerimaia 29:9

Te iran ya eni mwẹ ta ohoghe ma uwa. I ma gie iran. Mẹ ne Nọyaẹnmwa tae nẹ.’

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.