Jerimaia 29:26 - Edo Bible (E Baibol Ẹdo) Version 1996

²⁶ “E Nọyaẹnmwa ọ re ọ ya a rri ohẹn ye ihe Jehoiada, Banbanna nian, wẹ ọ re ọ ghi re enọwanrẹn avbe ohẹn vbe Ọgua Osa. Iwinna ruẹn nọ ne u miẹn ọmwẹmwẹikeọmwẹmwẹ ne ọ ba ru vbe akhasẹ, ne a ya ọgiọrọ rrọ ẹre, a ghi vbe mu odigba ematọn yọ ọre urhu.

Jerimaia 29:26 ပူးပေါင်းရင်းမြစ်များ

II Ọba 11:15

Jehoiada ma ho ne a gbe Atalia a ye uwu Ọgua Osa, ọ keghi rhunmwuda ọnii tama avbe ekaokuo, wẹẹ, “Wa mu ẹẹn la ẹkpo uviẹn ne avbe ọbodẹ tẹn rẹn na, ọmwa ne ọ gha hia ne ọ faẹn, wa gbe ẹe rua.”

II Ọba 11:18

Ẹre emwa nii na gha rrie aro e Bal, iran na siẹn ẹnrẹn sẹ otọ, iran na guọghọ Ogiukpo ne ọ rrọọ kevbe avbe ukhurhẹ, iran kevbe gbe Natan ne ohẹn e Bal ye odaro Ogiukpo. E Jehoiada keghi viọ emwa yọ ne iran gha khọ Ọgua Osa.

II Ọba 9:11

E Jehu keghi bu avbe ọkaokuo ne ihua ẹre gha khian, iran nọ rẹn wẹẹ, “Deghẹ ọ ye ẹse? Vbe ọmwẹmwẹ nii ya a ru yi?” E Jehu keghi wanniẹn wẹẹ, “Wa rẹn emwi ne ọ ho.”

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 18:26

Tama iran ne iran mu ẹẹn fi uwu ẹwẹdọ ne a gha ya ebrẹd ke amẹ kokẹe I te do rre hẹnnẹdẹn.”

Jerimaia 29:27

Vbọzẹ ne u ma na he ru e Jerimaia ne Anatọt vberriọ yi, ọmwa ne ọ ba gu avbe emwa nii guan zẹ vbe akhasẹ?

Jerimaia 38:28

Iran keghi sẹ mwẹ rae ye uwu ẹguae ọ te do sẹ ikpẹdẹ ne iran khọn mu e Jerusalẹm.

Jerimaia 38:6

Rhunmwuda ọnii, iran keghi mu mwẹ. Iran keghi ya irri mu mwẹ fi uwu uhae e Malkaia ne Okoro, ore ẹguae ọ re nene uhae ye. Amẹ i ghi rre nene uhae, ekhuọrhọ okpa ọ re ọ ghi rrọọ, ọ keghi ziẹn mwẹ.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Iyẹn ne ọ Maan Ọghe Mak 3:21

Ugbẹn vbe etẹn ọnrẹn ghi họn ẹmwẹ na, iran na gha khian ne iran ya rhie ẹre rhunmwuda te emwa hia ghi tae khian wẹẹ, “Te ọ mwẹmwẹ.”

Iyẹn ne ọ Maan Ọghe Jọn 10:20

Ni bun vbe uwu iran kegha kha wẹẹ, “Ọ mwẹ orhiọn esu, te ọ mwẹmwẹ, vbọzẹ ne uwa na rhie ehọ nẹ ẹn gha ta yi?”

Iyẹn ne ọ Maan Ọghe Jọn 10:33

Avbe Ju zẹ wanniẹn ọẹn wẹẹ, “Ẹ i re rhunmwuda iwinna esi ọre ima ra na filo okuta gbe ua a, sokpan rhunmwuda ne u na kpa unu ghe Osanobua, wẹ ne ọmwa kẹkan, te u ghi ho ne u ya egbe uẹ khian Osanobua!”

Iyẹn ne ọ Maan Ọghe Jọn 8:53

Ebraham ne erha mwa wu. Te u wẹ ghi ya ọnii kha ighe wẹ ọre ọ kpọlọ sẹ Ebraham ra? Avbe akhasẹ vbe wulo, vbe uwẹ a tie egbe ruẹ re yi?”

Iwinna 16:24

Ugbẹn vbe avbe eseghan ghi họn iyi na nẹ, iran keghi viọ iran ye uwu ugha ne ọ dinmwi sẹ vbe uwu ẹwẹdọ, ọ na ye eghan ro iran owẹ mu avbe ike erhan nekhua.

Iwinna 26:11

Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.

Iwinna 26:24

Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”

Iwinna 26:25

E Pọl keghi wanniẹn wẹ, “I i zẹdẹ mwẹmwẹ Evbavba, ẹmwata ne uhunmwu ẹmwẹ ọre I ta.

Iwinna 4:1

Ehe ne Pita vbe Jọn na wa gu avbe emwa ni guan, avbe igie ohẹn, olotu iran ni khẹ odẹ vbe Ọgua Osa, kevbe avbe Sadusi keghi bu iran gha dee.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:24

Ugbẹn vbe ọkaolotu iran ni gbe aro ghe Ọgua Osa kevbe avbe igie ohẹn họn ẹmwẹ na, iro keghi han iran wẹ, vbe iran ghi ru hẹ ighẹ avbe ukọ na?

II Kọrinti 11:33

Sokpan, a keghi mu mwẹ ye agban mu la uvun ekẹn fi otọ, I na ghi lẹ fe vbe obọ ẹre.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.