Jerimaia 29:22 - Edo Bible (E Baibol Ẹdo) Version 1996

²² Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Jerimaia 29:22 ပူးပေါင်းရင်းမြစ်များ

Gẹnẹsis 48:20

Rhunmwuda ọnii, ọ keghi fiangbe iran ẹdẹ nẹdẹrriọ ọ wẹẹ, “Ivbi Izrẹl gha ya eni uwa gha na erhunmwu, iran gha kha wẹẹ, ‘Te Osanobua gha gie uwa gha yevbe Ifreim kevbe Manasẹ.’ ” Erriọ ọre ọ na rhie Ifreim kodaro ne Manasẹ.

Psalm 102:8

Te avbe eghian mwẹ ghi ya ẹbọ viẹ mwẹ ne ebi ro, eni mwẹ ọre iran ni giẹ mwẹ ghi ya tie ẹbọ.

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Daniẹl 3:21

Rhunmwuda ọnii iran keghi gbalọ iran gbalọ ukpọn ne iran hẹẹ yọ hia, ẹwu ọkotọ, ẹwu ọkokhunmwu, erhu kevbe ehia, iran keghi hẹẹ iran ku uwu erhẹn ne ọ baa gidigidi nii.

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.