Jerimaia 29:20 - Edo Bible (E Baibol Ẹdo) Version 1996

²⁰ Wa hia fẹẹrẹ ne I gie ẹre iwe vbe Babilọn, wa ghi danmwehọ vbene I khare.’

Jerimaia 29:20 ပူးပေါင်းရင်းမြစ်များ

Jerimaia 24:5

“Mẹ ne Nọyaẹnmwa ne Osanobua Izrẹl rorẹe wẹ avbe emwa ne a viọ gha rrie Babilọn te iran yevbe ohọ esiesi na. I gha ya obọ itohan mu iran.

Jerimaia 29:1

I keghi gbẹn ebe gie avbe ohẹn avbe akhasẹ avbe ọkaolotu emwa nii, kevbe avbe emwa ọvbehe hia ne Nebukiadneza viọ ẹre oghunmwu ke Jerusalẹm kpao gha rrie Babilọn.

Jerimaia 29:2

A mu Jehoiakim, iye ẹe, avbe ekhaẹmwẹ ẹguae, avbe ọkaolotu e Juda kevbe Jerusalẹm, avbe owinna kevbe emwa ni guẹ iwinna, kpao gha rrie iwe nẹ, I ke gbẹn nene ebe.

Jerimaia 29:31

Ne I gie ne a tama avbe oghunmwu vbe Babilọn vbekpa Siemaia wẹẹ: “Mẹ ne Nọyaẹnmwa gha rri e Siemaia oya kevbe ivbi uniẹn ọnrẹn hia. I ma gie ẹe sokpan, ọ kegha gu uwa guan vbene a miẹn wẹ akhasẹ nọ, ọ na gie uwa gha ya ohoghe yi. Rẹn i khian gha mwẹ ivbi uniẹn ọnrẹn vbe ehe ne uwa ye. Ẹ i ra tọ ne aro ẹre sẹ emwi esi ne I ra ru ne emwa mwẹ, rhunmwuda, ọ tama iran ne iran sọtẹ mwẹ. Mẹ ne Nọyaẹnmwa taa ẹe nẹ.”

Ezikiẹl 11:9

I gha viọ uwa hin ore ẹvbo rre, I ghi viọ uwa ne avbe erhunmwuyẹn. I bu ohiẹn uwu gbe uwa nẹ.

Ezikiẹl 3:11

Iyekọnii, u ghi bu ivbi ẹvbo ruẹ ni rre iwe ne u ya tama iran ẹmwẹ ne imẹ ne Osa ne Udazi tama iran, ọ gha khọn iran, iran zẹ ye uẹ re ra iran ma zẹ yọ.”

Ezikiẹl 3:15

Mẹ keghi do sẹ Tẹl Abib vbe ọkpẹn Ẹzẹ Kiẹba, ehe ne iran ni rre iwe nii gha ye, I keghi di evba ya la ikpẹdẹ ihinrọn, egbe emwi ne I miẹn kevbe ne I họẹn keghi wa wọ mwẹ yotọ.

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.