Jerimaia 29:18 - Edo Bible (E Baibol Ẹdo) Version 1996

¹⁸ I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 29:18 ပူးပေါင်းရင်းမြစ်များ

II Krọnikol 29:8

Rhunmwuda ọnọna, e Nọyaẹnmwa keghi mu ohu ghe Juda kevbe Jerusalẹm, emwi ne ọ he ru iran ẹre kegha re ne ọ mu ohan kevbe ne ọ kpan emwa hia udu. Wa rẹn ọna ẹsẹse.

Psalm 44:11

U gie iran lọkọ ima an zẹvbe ohuan u zagha ima kua lele ẹvbo ẹrrẹe.

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Jerimaia 15:4

I gha ru ẹe ne ohan gbe ku emwa ni rre agbọn, rhunmwuda iran rhunmwuda emwi ne Hẹzekaia ne ovbi e Manasẹ ru vbe Jerusalẹm ẹghẹ re ọna gha ne ọba e Juda.”

Jerimaia 18:16

Iran ye otọe nii khian ọghe ohan ne a ra gha zan ẹdẹdẹmwẹdẹ emwa ni lae gberra hia gha miẹn emwi ne ọ gha ye izegbe zẹ iran vbọ ọ gha yan iran unu uan, iran ghi gha fieghe uhunmwu.

Jerimaia 19:8

I gha gie egbe ọkhọ vberriọ sunu vbe egbe ẹvbo na wẹ ọmwaikọmwa ne ọ rhirhi la ẹe gberra, orrirri ghi gbe ku ọre, ọ ghi yan ẹre unu uan.

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 29:17

E Nọyaẹnmwa ne Oghodua khare wẹẹ, ‘I mu okuo, ohanmwẹ kevbe emianmwẹ bu iran dee I gha ru iran zẹ vbe ọmọ ohọ ni kẹkẹ gbe ne ẹ ighi gia re.

Jerimaia 29:22

Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Ezikiẹl 12:15

“I gha zagha iran ku uwu ẹbu uhunmwu ẹvbo nekpa nẹ, kevbe ẹvbo ẹrrẹe, iran gha rẹn wẹ mẹ ọrọre Nọyaẹnmwa.

Ezikiẹl 22:15

I gha zagha emwa ruẹn gba otọ kevbe uhunmwu ẹvbo hia, I ghi kie ẹre ukpe ighe emwi dan ne uwa ru.

Ezikiẹl 23:46

Vbenian ọ re e Nọyaẹnmwa ne Udazi khare, “Wa viọ otu ni si ọbọbọ ẹrhia gha dee ne iran do runran iran kevbe ne iran vbe do iran emwi hẹ.

Ezikiẹl 36:19

I keghi bu ohiẹn gbe iran rhunmwuda vbe ne iran yin kevbe vbene iran ru emwi hẹ, I keghi zagha iran ku ẹvbo ẹrrẹe.

Ezikiẹl 5:15

“Ohu uwa gha kakabọ mu mwẹ, I na rri uwa oya, avbe ẹvbo ni lẹga uwa gha runran. Iran gha yan aroa gha ghe uwa, iran ghi ya uwa gha gbogiẹ.

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Emọs 9:9

“I gha yi iyi, a ghi bọnmwẹ ivbi Izrẹl vbene a bọnmwẹ ọka vbe ahẹn. I gha bọnmwẹ iran vbe uwu ẹbu uhunmwu ẹvbo ne a miẹn ehe na hẹ avbe ẹwobi ni rrọọ kua.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Nọmbas 5:27

A deghẹ okhuo nii gele ghẹ, amẹ nii gha si obalọ orriara, ye ọre egbe, ẹko ẹre ghi hue, ẹgẹn ọnrẹn ghi kpero, eni ẹnrẹn ghi khian ne a ya tie ihẹn vbe ẹbu emwa rẹn.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:37

Ẹmwẹ emwi tie ọ sunu vbe egbe uwa gha kpan emwa ẹvbo ne a zagha uwa kui odin, iran gha ya uwa gbe ogie iran ghi gha ta uwa giẹ.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.