Jerimaia 29:12 - Edo Bible (E Baibol Ẹdo) Version 1996

¹² Ẹghẹ nii, wa gha tie mwẹ. Wa gha do na erhunmwu gha mwẹ, mẹ ghi vbe họn erhunmwu uwa.

Jerimaia 29:12 ပူးပေါင်းရင်းမြစ်များ

II Krọnikol 33:13

E Nọyaẹnmwa keghi rhan obọ miẹn erhunmwu e Manasẹ, ọ keghi rhie ewanniẹn ne ẹẹn, ọ keghi gie ẹe werriegbe gha rrie Jerusalẹm ne ọ vbe ya gha re ọba. Ọ na ọ ghi ya e Manasẹ rẹn wẹ e Nọyaẹnmwa ọrọre Osanobua.

II Krọnikol 6:38

A dẹghe iran gele roiro fi uyinmwẹ werriẹ vbe ẹkoata ne ọ sẹ otọ ẹko, iran na mu aro da otọ na ne uwẹ mu ne avbe erha mwa odede, ẹvbo na ne uwẹ zẹe kevbe Ọgua Osa na ne I bọ ne uẹn, gha na erhunmwu ghe ruẹ.

Job 22:27

U gha na erhunmwu, ọ ghi họn we ghi vbe gha ha emwi ne u ve.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 30:19

Wa ne emwa ni rre Jerusalẹm i ghi ra dọlegbe viẹ ọvbehe. Ọmwa itohan ọ re Nọyaẹnmwa khin, wa gha tu bu ẹre ya nọ iyobọ, ọ gha zẹ ye uwa ẹre.

Aizaia 65:24

Iran te na erhunmwu fo, erhunmwu iran mẹ họn nẹ.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Jerimaia 51:50

E Nọyaẹnmwa tama emwa rẹn ni rre Babilọn wẹẹ, “Wa lẹẹ uwu fe nẹ! Banbanna nian, wa ladian. Wa ghẹ mudia. A gha rhe miẹn ighe wa khian rrei vbe owa, wa mu ẹmwẹ imẹ ne Nọyaẹnmwa uwa ro, ne uwa vbe ye Jerusalẹm rre.

Ezikiẹl 36:37

E Nọyaẹnmwa ne Udazi khare wẹẹ, “I gha dọlegbe gie ivbi Izrẹl do nọ iyobọ vbe obọ mwẹ, I gha gie iran vbe gha muan yọ zẹ vbe oghẹn ohuan.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”