Jerimaia 29:11 - Edo Bible (E Baibol Ẹdo) Version 1996

¹¹ Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 29:11 ပူးပေါင်းရင်းမြစ်များ

Job 23:13

“Rẹn i fi werriẹ, a i miẹn ne ọ sẹtin gu ẹe vẹn. Ra ne ọ da ẹre obọ emwi ne ọ ho ne ọ ru yi.

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 24:5

“Mẹ ne Nọyaẹnmwa ne Osanobua Izrẹl rorẹe wẹ avbe emwa ne a viọ gha rrie Babilọn te iran yevbe ohọ esiesi na. I gha ya obọ itohan mu iran.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 30:9

Sokpan, mẹ ọ re iran ra gha ga, mẹ ne Osanobua iran, kevbe ovbi uniẹn e Devid ne imẹ gha rhie ya ma ọba.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Eve Orriara 3:26

rhunmwuda ọnii, ne a ye i ziengbe diakhẹ ọre, ọ re ọ maa sẹ ne a diakhẹ ọre ne ọ miẹn ima fan —

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Maika 4:12

Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”