Jerimaia 28:9 - Edo Bible (E Baibol Ẹdo) Version 1996

⁹ Sokpan, akhasẹ ne ọ guan ẹmwẹ ọfumwegbe yotọ, ẹmwẹ ne ọ tae nii ghẹ ghi sẹẹ nẹ okpa ọ re a gha na ka ẹe ye akhasẹ ne Nọyaẹnmwa gele giee.”

Jerimaia 28:9 ပူးပေါင်းရင်းမြစ်များ

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Jerimaia 14:13

Ẹre imẹ na kha wẹẹ, “E Nọyaẹnmwa ne Udazi, u rẹnrẹn wẹ avbe akhasẹ tama avbe emwa na wẹ okuo i ra gha rrọọ, ra ohanmwẹ, rhunmwuda u tae nẹ, zẹ vbene iran khare, wẹ ọfumwegbe okpa ọ re ọ ra gha rre otọe nii.”

Jerimaia 4:10

Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 8:11

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹẹ, ‘Ehia wa maa vberriọ,’ emwi ne ọ maa rhọkpa irrọọ.

Ezikiẹl 33:33

Sokpan, avbe ẹmwẹ ne u ta gha do sunu nẹ, ẹ i mwẹ iran ma sẹ o, iran gha rẹn wẹ akhasẹ ọ re ọ gha gu iran rre ẹvbo.”

Diuteronomi 18:21

“Wa sẹtin kha wẹ vbe a gha ya rẹn hẹ ighẹ ẹmwẹ ne akhasẹ ta ẹe e Nọyaẹnmwa ma gie ẹe.

Diuteronomi 18:22

A deghẹ akhasẹ ya eni e Nọyaẹnmwa guan ighẹ ẹmwẹ ne ọ ta ẹe ma sẹ, a ghi rẹn ighẹ ẹ i re Nọyaẹnmwa ọ re ọ gie ẹe. Akhasẹ ni ẹmwẹ obọ ẹre ọ re ọ ta ẹe, wa ghẹ gha mu ohan rẹn.”