Jerimaia 28:6 - Edo Bible (E Baibol Ẹdo) Version 1996

⁶ “Ogiemwi! I yayi ighe e Nọyaẹnmwa gha gele ru vberriọ! Iyayi ighe ọ gha gele gie ẹmwẹ ruẹn sẹ ne ọ viọ avbe emwiewe Ọgua Osa hia werriegbe ke Babilọn rre deba avbe emwa hia ne iran viọ ẹre oghunmwu kpao.

Jerimaia 28:6 ပူးပေါင်းရင်းမြစ်များ

I Ọba 1:36

E Benaia keghi kha wẹẹ, “Te a gha ru ẹe, te Nọyaẹnmwa ne Osanobua ruẹ gha vbe so igie yọ.

I Krọnikol 16:36

Rho e Nọyaẹnmwa ne Osanobua Izrẹl wa rho ẹre nia kevbe rhinrin ẹdẹ! Ẹre emwa ni hia na kha wẹẹ, “Ise,” iran na rho e Nọyaẹnmwa.

Psalm 106:48

Wa rho e Nọyaẹnmwa ne Osanobua Izrẹl, wa rho ẹre nian kevbe ẹdẹdẹmwẹdẹ! Wa gie emwa hia kha wẹẹ, “Ise!” Wa rho e Nọyaẹnmwa.

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 89:52

Wa rho Nọyaẹnmwa ẹdẹdẹmwẹdẹ! Isẹ! Isẹ!

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Jerimaia 18:20

Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Jerimaia 28:3

Vbe ọ te gba vbe ukpo eva, I gha viọ avbe emwi ewe Ọgua Osa ne Nebukiadneza ne ọba hẹ gha rrie Babilọn rre.

Zẹkaraia 6:10

Ọ wẹẹ, “Viọ emwi ihaoko ọghe iran ni rre iwe ighe Heldai, Tobaija kevbe Jedaia, ne uwa gha rrie owa e Josaia ne ovbi e Zẹfanaia ọwarọkpa. Emwa na hia ke iwe rre nẹ ke Babilọn gha dee.

Nọmbas 5:22

Te amẹ na gha la ruẹ ẹko, ne ọ ya ẹe hue ladian ne ọ vbe gie ẹgẹn ruẹn kpero.” Okhuo ni ghi wanniẹn wẹẹ, “I khuẹn niẹn yọ, te Nọyaẹnmwa gha ru ẹe vberriọ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

I Kọrinti 14:16

A deghẹ orhiọn ruẹn ọkpa ọre u ya kpọnmwẹ Osanobua, vbe ọmwa kẹkan ne ọ deba ruẹ rre ugamwẹ gha ghi na gbe Isẹ hẹ ye erhunmwu ra ekpọnmwẹ ruẹn? Vbene ọ ra ya rẹn otọ ẹmwẹ ne u guan ẹ i rrọọ.

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 19:4

Avbe ediọn enẹyanugie nii, kevbe avbe aranmwẹ oha enẹ ni ma wu ni keghi dele gbe otọ, iran keghi ye uhunmwu rhanmwẹ otọ ne Osanobua ne ọ tota ye uhunmwu ẹkete wẹ: “Isẹ ẹ! Urhomwẹ nọ ne Osanobua.”

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.

Arhie Maan 5:14

Emwi ne a yi ni ma wu enẹ nii keghi wanniẹn wẹẹ, “Isẹ!” Avbe ediọn nii keghi dele gbe otọ, iran ya uhunmwu rhanmwẹ otọ.