E Pedaia kegha mwẹ emọ ikpia eva, ena ọ re Zerubabẹl kevbe Simẹi. E Zerubabẹl kevbe biẹlẹ emọ ikpia eva, ena ọ re Mẹsiulam kevbe Hananaia deba ọmọ okhuo ọkpa ne a tie ẹre Sielomit.
Ẹre I na kpao vbe Tofẹt rre, ehe ne Nọyaẹnmwa gie mwẹ gha rrie ne I na ya ta uhunmwu ne irẹn gie. I kegha rre ọgua nọkhua ọghe Ọgua Osa, I ke ya tama avbe emwa nii hia.
E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.
Vbe uki ne ogisẹn ọghe ukpo ni ne ọ gbae vbe ukpo enẹ ne Hẹzekaia he ya vbe ọba, e Hananaia ne ovbi Azọọ, ne ọ vbe re akhasẹ vbe Gibiọn kevbe gunmwẹ guan vbe uwu Ọgua Osa. Vbe sirra avbe ohẹn kevbe emwa nii, ọ keghi tama mwẹ wẹ,