Jerimaia 28:4 - Edo Bible (E Baibol Ẹdo) Version 1996

⁴ I gha vbe rhie ọba e Juda dọlegbe rre, ighe Jehoiakin ne ovbi e Jehoiakim, deba emwa e Juda hia fẹẹrẹ ni gha rrie iwe vbe Babilọn. Ẹn, te I ra bun ẹtin ọba e Babilọn, Mẹ ne Nọyaẹnmwa ọ re ọ tae.”

Jerimaia 28:4 ပူးပေါင်းရင်းမြစ်များ

Gẹnẹsis 27:40

Abẹkpẹn ruẹn ọre u ra ya gha dẹgbẹ yi khian u ghi gha re ọguọmwadia ọtuẹn sokpan u ghẹ ghi fieghe uhunmwu u ghi kannọ obọ ẹre hin egbe ruẹ rre.”

II Ọba 24:14

Nebukiadneza keghi viọ emwa nii rre Jerusalẹm avbe ivbiọba kevbe emwa ni hin ukhuaẹn, odẹ arhin arriaisẹn igbe, ọ na munọ iran oghunmwu gha rrie. Ọ kevbe viọ iran kpao ighẹ avbe ikpia ni guẹ ona, kevbe avbe ogun, ọ na ghi sẹ iran ne ivbiogue rae vbe Juda.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 22:10

Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Jerimaia 24:1

E Nọyaẹnmwa keghi viọ okhuae ohọ eva ma mwẹ, a keghi viọ iran ye Ọgua Osa (Ọna kegha re iyeke vbe Nebukiadneza ọghe Babilọn mu ovbi e Jehoiakim ighẹ Jehoiakin ne ọba e Juda) kpao vbe Jerusalẹm gha rrie Babilọn zẹ vbe oghunmwu, kẹe kevbe avbe ọkaolotu e Juda avbe emwa iwinna kevbe iran ni guẹ ona.

Jerimaia 24:5

“Mẹ ne Nọyaẹnmwa ne Osanobua Izrẹl rorẹe wẹ avbe emwa ne a viọ gha rrie Babilọn te iran yevbe ohọ esiesi na. I gha ya obọ itohan mu iran.

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 28:10

Ẹre Hananaia na mu urọnghọn nii hinmwẹ urhu rre, ọ na bunnọ ẹre ukhiọnmwẹ ukhiọnmwẹ.

Jerimaia 28:2

E Nọyaẹnmwa ne Oghodua, ne Osanobua Izrẹl khare wẹẹ, “I bun ẹtin ọba e Babilọn nẹ.

Jerimaia 29:1

I keghi gbẹn ebe gie avbe ohẹn avbe akhasẹ avbe ọkaolotu emwa nii, kevbe avbe emwa ọvbehe hia ne Nebukiadneza viọ ẹre oghunmwu ke Jerusalẹm kpao gha rrie Babilọn.

Jerimaia 29:2

A mu Jehoiakim, iye ẹe, avbe ekhaẹmwẹ ẹguae, avbe ọkaolotu e Juda kevbe Jerusalẹm, avbe owinna kevbe emwa ni guẹ iwinna, kpao gha rrie iwe nẹ, I ke gbẹn nene ebe.

Jerimaia 30:8

E Nọyaẹnmwa ne Oghodua khare wẹẹ, “Ọ gha sẹ ẹdẹ ne ẹdẹrriọ. I gha bun urọnghọn ne ọ rre iran urhu, I ghi vbe rhan iran ọgiọrọ hẹ kua. Iran i khian ghi vbe gha re eviẹn avbe erhunmwuyẹn ọvbehe.

Levitikọs 26:13

Mẹ ne Nọyaẹnmwa Osanobua rua ọ re ọ viọ uwa ke Igipt ladian ne uwa ghẹ ghi gha re eviẹn ọvbehe. I guọghọ ẹtin ne ọ te de uwa ginna otọ, I na gie uwa gha khian vbe ne uwa na tọn uhunmwu uwa mu ẹsẹse.”

Nahum 1:13

I gha dobọ ẹtin ne Asiria mwẹ vbe uhunmwu uwa yi, I ghi vbe bunnọ ọgiọrọ ne ọ ya munọ uwa gbalọ.”