Jerimaia 28:15 - Edo Bible (E Baibol Ẹdo) Version 1996

¹⁵ Mẹ keghi talọ avbe ẹmwẹ na ma e Hananaia, I keghi vbe rhie te ẹe wẹẹ, “Danmwehọ e Hananaia! E Nọyaẹnmwa ma zẹdẹ gie uẹ, te u ru ẹe ne iran na gha ya ohoghe yi.

Jerimaia 28:15 ပူးပေါင်းရင်းမြစ်များ

I Ọba 22:23

E Makaia keghi ye ọna mu ẹmwẹ nii ye otọ wẹẹ, “Emwi ne ọ sunu ọ re onii khin. E Nọyaẹnmwa ru ẹe nẹ ne avbe akhasẹ ruẹ na hia gha ta ohoghe ma ruẹn. Sokpan rẹn tobọ ẹre ghae ọfuan ye otọ khẹ ruẹ nẹ.”

Jerimaia 20:6

Zẹ vbene ọ kan uwẹ vbọ e Pasiọ, obọ gha vba uwẹ kevbe ẹgbẹe ruẹ hia, iran ghi viọ iran gha rrie Babilọn. Evba ọre u ra na wu, a ghi vbe re ruẹ ba avbe ọse ruẹ nibun, ne u gha ta ohoghe ni bun sẹrriọ ma.”

Jerimaia 23:21

E Nọyaẹnmwa khare wẹẹ, “I ma gie avbe akhasẹ na, sevba, iran keghi ye gha khian, I ma zẹdẹ gie iran uhunmwu sokpan, iran ke ya gha ya eni mwẹ guan.

Jerimaia 23:31

Erriọ ọre ohu iran vbe mu mwẹ ighe avbe akhasẹ ni ta ẹmwẹ obọ iran, iran ghi kha wẹ ehe ne I ye ọ re ọ ke rre.

Jerimaia 27:15

E Nọyaẹnmwa tobọ ẹre tae nẹ wẹ rẹn ma gie iran, ighẹ te iran ya eni irẹn ta ohoghe ma ruẹn. Rhunmwuda ọnii, ọ gha khu uẹ ladian, iran gha gbe uẹ ua, ke uwẹ kevbe avbe akhasẹ ni ta ohoghe na ma ruẹn.”

Jerimaia 28:11

Ọ na sirra emwa nii hia kha wẹẹ, “E Nọyaẹnmwa khare ighe erriọ rẹn ra bunnọ urọnghọn ne Ọba Nebukiadneza munọ ye avbe uhunmwu ẹvbo hia urhu, kevbe wẹ rẹn gha ru emwi na ọ te sẹ ukpo eva.” Ẹre imẹ ghi na kpao.

Jerimaia 29:23

Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”

Jerimaia 29:8

Mẹ ne Nọyaẹnmwa ne Osanobua Izrẹl tama uwa nian, ne uwa ghẹ gie iran rẹrẹ uwa ighẹ avbe akhasẹ ni rre ehe ne uwa ye, fa avbe iran ni kha ighẹ iran gha sẹtin ta emwi ne ọ gha sunu akhuẹ ma ọmwa. Wa ghẹ vbe zẹdẹ danmwehọ imina ne iran wẹ iran mina.

Jerimaia 7:8

Ghe, ẹmwẹ erẹrẹ ọ re uwa mu ẹtin yan.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 13:22

Wa wa ya ohoghe ne uwa tae gbin emwa esi ẹtin, avbe emwa ne imẹ i ho ni ru ẹre emwi rhọkpa. Wa i gie emwa dan zobọ vbe emwi dan ne iran ru, ne iran rhie uhunmwu iran ke ẹbe ladian.

Ezikiẹl 13:6

Imamase ọ re umian iran khin, ohoghe ọ re ẹmwẹ ne iran guan yotọ vbe khin. Iran ghi kha wẹ uhunmwu ne I gie ọ re iran ta, vberriọ, I ma zẹdẹ gie iran. Iran ghi ye vbe gha kha wẹ ẹmwẹ iran gha sẹ!

Ezikiẹl 13:9

Ẹ i ghi rrei gbe I rri uwa ne akhasẹ ni miẹn umian ohoghe oya, ne uwa na vbe ta emwi ne a miẹn yotọ ni de ọmwa odẹ. Wa i ra gha rre evba vbe ẹghẹ ne avbe emwa mwẹ gha na si koko ne iran ta vbene iran gha ru emwi hẹ, a i ra vbe gbẹnnẹ eni uwa ba ọghe ivbi emotọ Izrẹl, wa i ra vbe dọlegbe gha rrie otọe uwa ẹdẹdẹmwẹdẹ. Ẹghẹ nii, wa gha na rẹn ighe mẹ ọrọre e Nọyaẹnmwa ne Udazi.

Ezikiẹl 22:28

Avbe akhasẹ keghi gbegue avbe orukhọ na, zẹ vbe ne emwa ya orhue gue ekẹn ne a gbe. Iran miẹn umian ohoghe, iran keghi vbe ta ẹmwẹ a tae yotọ ne ọ vbe re ohoghe. Iran ghi gha kha wẹ ẹmwẹ e Nọyaẹnmwa ọ re iran ta, sokpan mẹ ne Nọyaẹnmwa ne Udazi ma gie iran.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 18:20

Sokpan, a na miẹn akhasẹ ne ọ gha ye eni mwẹ guan vbe I ma gie ẹe ne ọ ru vberriọ, uhunmwu ọ ya khiẹ ọ re, erriọ vbe nọ ne dọmwadẹ akhasẹ ne ọ ya eni ẹbọ ọvbehe gha guan.’