Jerimaia 28:14 - Edo Bible (E Baibol Ẹdo) Version 1996

¹⁴ E Nọyaẹnmwa ne Oghodua, ne Osanobua Izrẹl khare ighe rẹn gha mu urọnghọn ematọn ye urhu avbe uhunmwu ẹvbo na hia, iran ghi vbe ga e Nebukiadneza ne ọba e Babilọn. E Nọyaẹnmwa tae ne wẹ uhin ighe te irẹn ra wẹ ne avbe aranmwẹ oha gha ga e Nebukiadneza.”

Jerimaia 28:14 ပူးပေါင်းရင်းမြစ်များ

Jerimaia 15:12

(A i miẹn ọmwa ne ọ gha sẹtin bun ematọn, ibiba ematọn ne a ye oze gua ne ọ ke odẹ okuọ rre.)

Jerimaia 27:4

e Nọyaẹnmwa ne Oghodua, ne Osanobua Izrẹl tama mwẹ ne I gie iran ne iran tama avbe ọba iran wẹ, e Nọyaẹnmwa khare wẹẹ,

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 40:4

Banbanna nian, I ra rhan ọgiọrọ hin ruẹn urhu abọ rre ne I fan an fua. A deghẹ u ho ne u lele mwẹ gha rrie Babilọn, u sẹtin ru vberriọ, I gha gbearoghe ruẹ. Sokpan, a deghẹ u i ho ne u gha khian, ai ra vbe gba ru ẹe. Otọe ẹvbo na hia rre evba ne u gha na zẹ, u sẹtin gha rrie ehe ne ọ yẹ ruẹ.”

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Hozia 10:11

“Ẹghẹ ọkpa, te Izrẹl te ye vbe oteghe ẹmila ne a ma ẹre emwi ẹsẹse, ne ọ mu egbe kevbe ne ọ vbe ho ne ọ gha wiẹn ọka vbe ẹghẹ hia. Sokpan, mẹ keghi kha wẹ, te I gha rhie urọnghọn ye ẹyaẹn rẹn ne mose mose na, te I gha vbe gbalọ ẹre egbe khẹ iwinna ne ọ wegbe sẹ ọnii. I keghi ru ẹe ne Juda gha si emwi ne a ya vulo otọ, Izrẹl keghi vbe si emwi ne a ya guọghọ otọ.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.