Jerimaia 28:13 - Edo Bible (E Baibol Ẹdo) Version 1996

¹³ Tama mwẹ ne I ya tama e Hananaia wẹẹ, “E Nọyaẹnmwa khare wẹ, u gha sẹtin bunnọ urọnghọn erhan, sokpan rẹn gha rhie urọnghọn ematọn ye ihe ẹre.

Jerimaia 28:13 ပူးပေါင်းရင်းမြစ်များ

II Krọnikol 10:11

Erha mwẹ kun ihẹ ne ọ khua ne uwa mu, me gha ru ẹe ne ọ khua sẹ ọnii, asan ọ re ọ ya gbele uwa, sokpan ekoboko ọ re I ra ya mama uwa.”

Psalm 107:16

Ọ guọghọ ẹkhu oze kua, ọ keghi vbe vbiolo avbe ogba ematọn kua.

Psalm 149:8

Ne iran ya ọgiọrọ rro avbe ọba iran, kevbe avbe olotu iran, ọgiọrọ ematọn.

Aizaia 45:2

“Mẹ tobọmwẹ ọ re ọ ra zẹẹ odẹ ne uẹn I ghi gha guọghọ avbe oke nekhua sotọ deba avbe oke negiẹrẹ I gha guọghọ avbe ẹkhu ẹrọnmwọ sotọ I ghi rẹnkhẹn avbe ogba ematọn ni rrọọ.

Jerimaia 27:15

E Nọyaẹnmwa tobọ ẹre tae nẹ wẹ rẹn ma gie iran, ighẹ te iran ya eni irẹn ta ohoghe ma ruẹn. Rhunmwuda ọnii, ọ gha khu uẹ ladian, iran gha gbe uẹ ua, ke uwẹ kevbe avbe akhasẹ ni ta ohoghe na ma ruẹn.”

Jerimaia 27:2

ne I ye avbe ohian ne a biẹnnẹ kevbe erhan ne a viọgbe ru urọnghọn mu ye urhu.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.