Jerimaia 27:19 - Edo Bible (E Baibol Ẹdo) Version 1996

^19-20 (Ẹghẹ ne Nebukiadneza na viọ iran gha rrie Babilọn, ighe ọba e Juda, e Jehoiakin ne ovbi e Jehoiakim kevbe emwa ni hiunsi vbe Juda kevbe Jerusalẹm, ọ keghi sẹ avbe orre rae, ẹgbẹdin nọkhua ọghe oze, avbe ikẹkẹ okhuae deba eso vbe uwu emwiewe ni rre uwu Ọgua Osa rae.)

Jerimaia 27:19 ပူးပေါင်းရင်းမြစ်များ

I Ọba 7:23

E Huram keghi ru ẹgbẹdin oze ne ọ re ibata ihinrọn vbe ukhiọnmwẹ vbe udinmwimwẹ, ibata ekesugie vbe a gha mwa ẹnrẹn lẹga.

I Ọba 7:27

E Huram keghi vbe ru ikẹkẹ oze igbe, ọkpọkpa vbọ kegha re ibata ehan vbe utanmwẹ, ibata eha vbe uvbẹmwẹ kevbe ibata enẹ vbe ukhiọnmwẹ vbe uyomwẹ.

II Ọba 25:13

Ivbi e Babilọn keghi guọghọ ẹe sẹ otọ ighẹ avbe orre oze, kevbe avbe okhuae ni rre Ọgua Osa, deba ẹgbẹdin amẹ ọghe oze, iran na viọ nene oze gha rre Babilọn.

II Ọba 25:17

Orrẹ eva nii, ọkpa iran wa khin, ọkpọkpa vbọ kegha re ibata eha irrọvbọgban vbe uyomwẹ, a na vbe mu egbaha oze yan rẹn, onii kevbe ye ekherhe sẹẹ ibata enẹ vbe ukhiọnmwẹ vbe uyomwẹ. A kevbe ya oze do ọga lẹga ọkpọkpa vbe nene orrẹ ne a vbe ya ikpẹrọnmwọ ne a ya oze ru zẹ ose yi.

II Krọnikol 36:18

Ọba e Babilọn keghi fu emwi ni rre Ọgua Osa viọ, ke asa Ọgua Osa kevbe ẹfe ne ọba mwẹ kevbe ne avbe irriegie ẹre vbe mwẹ, ọ na viọ ehia gha rrie Babilọn.

Eve Orriara 1:10

Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.