Jerimaia 27:18 - Edo Bible (E Baibol Ẹdo) Version 1996

¹⁸ Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

Jerimaia 27:18 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

I Ọba 18:24

Wa wẹ ne avbe akhasẹ e Bal na erhunmwu ghe ẹbọ iran, mẹ gha vbe na erhunmwu ghe Nọyaẹnmwa. Ne ọ ghi rhirhi rhie ewanniẹn yọ, ọ na gie erhẹn rre, onii ọre Osanobua.” Emwa ni hia keghi wa khuẹnniẹn yọ.

I Ọba 18:26

Iran keghi mu ẹmila ne a mu gie iran, iran na mwamwa ẹẹn, iran na gha na erhunmwu ghe e Bal ya sẹ ẹghẹ ogiavan. Iran kegha go kha wẹẹ, “E Bal zẹ ẹmwẹ wanniẹn ima.” Iran na gha ku lẹga aka ne iran gba ẹe nii. Sokpan, ewanniẹn ma rre.

II Krọnikol 32:20

Ẹre Hẹzekaia ne ọba kevbe Aizaia ne akhasẹ ne ovbi Amọz na na erhunmwu ghe Osanobua iran na datu tie ẹre ne ọ yi iran obọ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 18:20

Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Malakai 1:9

Wa ne avbe ohẹn, wa hia ne uwa nọ Osanobua wẹ ne ọ gha ye obọ esi mu ima. E I họn erhunmwu uwa, obọ uwa ọ re ọ ye.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 7:8

“Gha na erhunmwu ghe e Nọyaẹnmwa Osanobua mwa ne ọ miẹn ima fan vbe obọ ivbi e Filistia.”