Jerimaia 27:13 - Edo Bible (E Baibol Ẹdo) Version 1996

¹³ Vbọzẹ ne okuo ra ohanmwẹ ra emianmwẹ gha na gbele uwẹ vbe emwa ruẹn yi? Ọnii ọ re Nọyaẹnmwa wẹ ọ gha rruan emwaikemwa ni ma gbe uhunmwu kotọ ne ọba e Babilọn.

Jerimaia 27:13 ပူးပေါင်းရင်းမြစ်များ

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Jerimaia 38:20

Mẹ keghi kha wẹẹ, “A i ra rhie ruẹ ne iran. I rinmwian ne u danmwehọ uhunmwu ne Nọyaẹnmwa gie rre, emwi hia ghi wa gha ma ne uẹn, ai ra vbe gbe uẹ ua.

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 18:24

“Sokpan, a deghẹ ọmwa esi dobọ emwi esi ne ọ ru yi, ọ na suẹn ya gha ru emwi osọnnọ dan ne avbe emwa dan ru, ọ gha miẹn uhunmwu ra? Hiehiere! A i ghi ye avbe emwi esi ne ọ te ka ru rhọkpa rre. Ọ gha wu ye a i ta ẹmwata kevbe orukhọ ẹre.

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?