Jerimaia 26:8 - Edo Bible (E Baibol Ẹdo) Version 1996

⁸ Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Jerimaia 26:8 ပူးပေါင်းရင်းမြစ်များ

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 18:23

Sokpan, Nọyaẹnmwa, wẹ rẹn emwamwa iran wẹ ne iran ghe mwẹ uan. Ghẹ ye ọkhọ iran bọ iran, ra ne u ya orukhọ iran bọ iran. Mu iran gbotọ ne obọ ke ukhunmwu ne iran, ne u vbe ye obọ mu iran vbe ohu a gha mu uẹn.”

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 43:1

I keghi talọ emwi hia ne Nọyaẹnmwa ne Osanobua avbe emwa nii giee mwẹ ne I tama iran fo ma iran.

Emọs 7:10

Amezaia ne ohẹn ne ọ rre Bẹtẹl keghi gie ne a tama Jeroboam ne Ọba Izrẹl wẹẹ, “Emọs gha khuan isọtẹ khẹ ruẹ vbe ehe ne avbe emwa ye. Ẹmwẹ ne ọ guan gha wa fuẹn uhunmwu ẹvbo na.

Matiu 22:6

Eso keghi munọ eguọmwadia ne a gie nii, iran mama iran, iran keghi gbele iran ruan.

Matiu 27:20

Avbe igie ohẹn kevbe avbe eniwanrẹn keghi kpikpi avbe emwa wẹ ne iran khama Pailet ne ọ fan Barabbas fua ne iran, ne ọ gbe Jesu.

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Arhie Maan 18:24

A rri e Babilọn oya rhunmwuda, a miẹn esagiẹn avbe akhasẹ kevbe emwa Osanobua vbe ẹvbo nii, ẹn, ye ẹmwẹ esagiẹn emwa ne a gbele ua vbe otọ agbọn.