Jerimaia 26:5 - Edo Bible (E Baibol Ẹdo) Version 1996

⁵ Kevbe ne uwa gha danmwehọ ẹmwẹ ne avbe eguọmwadia mwẹ ta, kevbe avbe akhasẹ ne I wa gha gie bu uwa rre. Wa ma he ya emwi ne iran tae ru emwi ẹdẹ.

Jerimaia 26:5 ပူးပေါင်းရင်းမြစ်များ

II Ọba 17:13

E Nọyaẹnmwa gie avbe odibo ẹre kevbe avbe akhasẹ ne a tama Izrẹl kevbe Juda wẹẹ, “Wa la hin odẹ dan ne uwa la khian rre, ne uwa gha ru vbene I khare zẹ vbene ọ rre uwu uhi ne I rhie ne avbe erha uwa odede, ne I vbe rhie ne avbe akhasẹ ne eguọmwadia mwẹ rhie ye uwa obọ.”

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

II Ọba 9:7

U ghi ya gbe ẹe rua ighẹ arowa a, rẹn ighẹ ọba ne ovbi Ehab nii, ne I miẹn ehe na rria e Jezibẹl ikhi ye ẹmwẹ avbe akhasẹ kevbe eguọmwadia mwẹ ọvbehe ne ọ gbele ua hia.

Ẹzra 9:11

ne u viọ ne avbe akhasẹ ne eguọmwadia ruẹ viọ ne ima ru emwi. Iran tama mwa wẹ otọe ne ima de ra do yin, otọe ne ọ ma huan nọ rhunmwuda, avbe emwa ni ka yin ẹnrẹn, uyinmwẹ ohọhọ kevbe osọnnọ ọ re iran ya vuọn rẹn sẹ otọ sẹ ukhunmwu.

Jerimaia 11:7

Ẹghẹ ne I na viọ iran ke otọe Igipt ladian, te I mobọ wa kan rẹn ye iran ehọ wẹ ne iran gha họn ẹmwẹ mẹ, te I yevbe gha ta ẹe ma iran khian rhinrin do sẹ ẹdẹnẹrẹ na.

Jerimaia 29:19

Ena gha sunu vbe egbe iran rhunmwuda, iran ma ya ẹmwẹ iran ru emwi ighe avbe eguọmwadia mwẹ ne akhasẹ ne I wa gha gie gie iran. Iran keghi wa he ne iran danmwehọ.

Jerimaia 32:33

Iran fi iyeke iran gbe mwẹ. a gha rhe miẹn wẹ te I gha ma iran emwi khian, iran ma danmwehọ ne iran vbe ruẹ emwi rhọkpa.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Jerimaia 7:13

Wa ru avbe orukhọ na hia ne, a gha rhe miẹn wẹ te I gha gu uwa guan kugba kẹghẹrẹ, wa ma danmwehọ. I tie uwa wa ma khuẹnniẹn.

Jerimaia 7:25

Ke ẹdẹ ne erha uwa ke Igipt ladian gha dee do sẹ ẹdẹnẹrẹ na, te I gha gie avbe eguọmwadia mwẹ ighe avbe akhasẹ gie uwa.

Ezikiẹl 38:17

Wẹ ọrọre ọmwa ne I gha kha ẹkporriọ, ẹghẹ ne I na wẹ ne avbe akhasẹ Izrẹl ne eguọmwadia mwẹ tae ladian wẹ ẹdẹ dee ne I gha gie ọmwa ọkpa rre ne ọ do khọn Izrẹl.” E Nọyaẹnmwa ne Udazi ọ re ọ tae.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Arhie Maan 10:7

Sokpan, ẹkpo ne odibosa ne ogihinrọn gha na fian okpe ọghọe re, Osanobua gha mu emwamwa ẹkhokho ẹre sẹ, zẹẹ vbene ọ tama avbe akhasẹ ne eguọmwadia ẹre.”

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”