Jerimaia 26:24 - Edo Bible (E Baibol Ẹdo) Version 1996

²⁴ Sokpan ne Ahikam ne ovbi e Siafan na gha rre esa ọghomwẹ, a ma mu mwẹ ne emwa nii ne iran gbe mwẹ uan.

Jerimaia 26:24 ပူးပေါင်းရင်းမြစ်များ

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

II Ọba 25:22

E Nebukiadneza ne ọba e Babilọn keghi ya Gedalaia ne ovbi Ahikam kevbe eyẹ e Siafan ru enọ khaemwisẹ yan e Juda, ọ na viọ iran ne a ma viọ gha rrie e Babilọn hia ye ototọ ẹre.

II Krọnikol 34:20

ọ keghi tama avbe Hilkaia, kevbe Ahikam ne ovbi Siafan, Abdọn ne ovbi e Milkaia, e Siafan ne ọgbenbe ẹguae, kevbe Asaia ne odibo ọba wẹẹ:

Jerimaia 29:3

I keghi rhie nene ebe ne Elasa ne ovbi e Siafan kevbe Gemaraia ne ovbi e Hilkaia, ne Zedekaia ọba e Juda gie yo ọghe Nebukiadneza ọghe Babilọn. Ebe nii khare wẹẹ:

Jerimaia 36:10

Ehe ne emwa hia na wa danmwehọ nii e Barọk keghi tie avbe ẹmwẹ hia ne I taa ye ebe ohian nii ladian. Ọgua Osa ọ re ọ na tie ẹre vbe ughugha e Gemaraia ne ovbi e Siafan, ne ọgbenbe ẹguae. Ọgua ne ọ ke ukhunmwu, ọ re ughugha ẹre ye vbe ọkpẹn Onurho Ọgbọn ọghe Ọgua Osa.

Jerimaia 36:11

E Mikaia ne ovbi Gemaraia ne ọ vbe re eyẹ e Siafan keghi họọn vbe Barọk tie ẹmwẹ e Nọyaẹnmwa ne ọ rre ebe ohian nii.

Jerimaia 36:12

Rẹn keghi wa gha rrie ẹguae ọba, ọ na wa gha rrie ughugha ọgbenbe ẹguae, ehe ne avbe ekhaẹmwẹ hia na gha do iko, iran na kegha re Elisiama ne ọgbenbe ẹguae, e Delaia ne ovbi e Siemaia, Elnatan ne ovbi Akbọ, e Gemaraia ne ovbi Siafan, e Zedekaia ne ovbi Hananaia, avbe ekhaẹmwẹ nekpa hia kevbe gha rre evba.

Jerimaia 36:19

Iran keghi tama rẹn wẹẹ, “Wẹ vbe Jerimaia hẹko ya lẹre wa ghẹ gie ọmwarhọkpa rẹn ehe ne uwa ye.”

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 39:14

Na do rhie mwẹ ke uwu ẹguae ladian. Iran keghi rhie mwẹ ne ẹẹn gha gbearoghe ighe e Gedalaia ne ovbi Ahikam kevbe eyẹ e Siafan, ne a wa vbe tama wẹ ne ọ miẹn wẹ I sẹ owa vbe egbe hẹnnẹdẹn Ẹre I na ghi gu avbe emwa nii tota ye evba.

Ezikiẹl 8:11

Avbe ọkaolotu Izrẹl ekigbesiyenẹ kegha rre evba, kevbe Jaazanaia ne ovbi e Siafan. Dọmwadẹ ọghọe keghi mu emwi ne a ya gien eturari mwẹ obọ, eturari nii kegha zẹ ighogho ladian.

Iwinna 23:10

Imuan ẹmwẹ na keghi wa wegbe sẹrriọ ne afianma na gha fian ọkaokuo wẹ iran gha yanghan Pọl rua. Rhunmwuda ọnii, ọ na wẹ ne ivbiyokuo la uwu ẹbu iran ne iran rhie Pọl ladian vbe evba, ne iran rhie ẹre gha rrie owa ne gbain.

Iwinna 27:43

Sokpan ovbiyokuo ne ọ rre asẹ nii keghi ho ne irẹn sinmwi uhunmwu e Pọl, rhunmwuda ọnii, ọ ma gie iran ruẹe vberriọ. Ọ na ghi wẹ ne iran ni gua ra khuẹ vbọ sannọ fi ẹzẹ ne iran ka khuẹ gha rrie oke.

Arhie Maan 12:16

Sokpan otọ keghi ye okhuo ni obọ, ọ rhan unu, ọ keghi mi amẹ ne ọ ke unu Ugbogiorinmwi nii ladian re.