Jerimaia 25:35 - Edo Bible (E Baibol Ẹdo) Version 1996

³⁵ Odẹ ọkpa ne uwa gha la miẹn uhunmwu vbọ i rrọọ.

Jerimaia 25:35 ပူးပေါင်းရင်းမြစ်များ

Job 11:20

Sokpan, ọmwa dan gha ghe lẹga, egbe ghi wọ ẹre. Ọ ghi miẹn wẹ ehe ne a la miẹn uhunmwu vbọ i rrọọ. Idaehọ ọkpa ne iran mwẹ ọrọre wẹ, ẹ i mwẹ a ma ghi wu.”

Psalm 142:4

I gha ghe lẹga egbe mwẹ, I ghi miẹn wẹ, ọmwa ne ọ gha yọmwẹ obọ i rrọọ, ọmwa rhọkpa i zẹ yọmwẹ re.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 25:36

wa gha khiẹkhẹ egbe, wa gha go vbe uwu akhiẹ, rhunmwuda, e Nọyaẹnmwa dunmwu ẹvbo uwa a vbe ohu ẹre, ọ kevbe ya ẹvbo uwa ne rọkhọọ khian itowa.

Jerimaia 32:4

Kevbe we e Zedekaia i ra sẹtin lẹ fe vbo. A gha rhie ẹre ne ọba e Babilọn, ọ gha ye aro kan ẹre aro, ọ gha gu irẹn tobọ ẹre guan vbe ghe aro mwẹ ghe aro ruẹ.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 37:17

Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Ezikiẹl 17:15

Sokpan, Ọba Izrẹl keghi sọtẹ, ọ keghi gie gha rrie Igipt ne iran ya viọ avbe ẹsin kevbe ivbiyokuo nibun gie irẹn. Ọ gha dunna ne ẹẹn ra? Emwi hia gha wa lẹ ọre fe vberriọ ra? Rẹn i sẹtin rra ile ne ọ wa gha khian vbe ne a i na rrioya!

Ezikiẹl 17:18

Ọ rri ihen ne ọ vẹn, ọ rra ebe ne ọ rhie obọ yi. Ọ ru avbe emwi na hia, banbanna nian, ẹ i miẹn uhunmwu.”

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Emọs 2:14

Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.