Jerimaia 25:34 - Edo Bible (E Baibol Ẹdo) Version 1996

³⁴ “Wa gha viẹe, wa ne avbe ọkaolotu, wa ne ọsuohuan avbe ohuan mwẹ. Wa gha khiẹ, ne uwa vbe gha werriẹ vbe uwu ebubẹ. Ẹghẹ sẹ nẹ nian ne a gha ya lọkọ uwa a, a gha gbele uwa vbene a gbele ogho.

Jerimaia 25:34 ပူးပေါင်းရင်းမြစ်များ

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 2:16

Avbe okọ ni kọnkọn ke ni mose sẹ, ọ gha gbele ehia ye ẹzẹ.

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Aizaia 34:7

Emwa ni gha dele zẹ vbe ede kevbe ivbi ẹkhuia ẹmila, otọ ghi gha baa ne esagiẹn, efun ghi vbe gba ehe hia.

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Jerimaia 22:28

Mẹ keghi kha wẹẹ, “E Jehoiakim ne ọba wa vbe yevbe uru ne ọ wu ne a mu fua, ne ọmwarhọkpa i gualọ nẹ ra? Ọnii ọ siẹe ne a na viọ irẹn vbe ivbi ẹre gha rrie iwe vbe otọ ne a ma rẹn emwi rhọkpa vbe ekpa ẹre?”

Jerimaia 23:1

U umiẹn vbe ibuohiẹn e Nọyaẹnmwa gha wegbe mu iran hẹ ighe iran ni fuẹn emwa rẹn uan, ne iran na vbe zagha iran an!

Jerimaia 25:12

“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 25:36

wa gha khiẹkhẹ egbe, wa gha go vbe uwu akhiẹ, rhunmwuda, e Nọyaẹnmwa dunmwu ẹvbo uwa a vbe ohu ẹre, ọ kevbe ya ẹvbo uwa ne rọkhọọ khian itowa.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Jerimaia 48:38

Akhiẹ Ọ re ọ ghi rre ehe hia vbe ẹrhunrhun owa kevbe ughe e Moab hia, rhunmwuda, I guọghọ Moab nẹ zẹvbe esago nẹi yẹ ọmwa rhọkpa.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Ezikiẹl 34:20

“Rhunmwuda ọnii, mẹ ne Nọyaẹnmwa ne Udazi tama uwa wẹ I gha bu ohiẹn uwa ne ohuan ni wegbe kevbe avbe ohuan ni ma wegbe.

Daniẹl 11:8

Ọ gha viọ amazẹ avbe ẹbọ iran gha rrie Igipt, deba avbe emwi ne a ya igoru kevbe esiliva ru ne a ya gho avbe ẹbọ nii.

Hozia 8:8

Te Izrẹl ghi wa yevbe ẹvbo ọvbehe nekpa hia. Te ọ ghi wa khian ne ẹ i mwẹ emwi ne ọ gia ya ru, zẹ vbene akhe nọwu ye.

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Zẹkaraia 10:3

E Nọyaẹnmwa khare wẹẹ, “Ohu avbe erhunmwuyẹn ni khaemwisẹ yan emwa mwẹ wa mu mwẹ, te I ra rri iran oya. Ọghomwẹ ọre ivbi e Juda khin. Mẹ ne Nọyaẹnmwa ne Oghodua ọ re ọ ra gha gbearoghe iran. Iran gha khian ẹsin okuo mwẹ ne mwẹ ẹtin.

Zẹkaraia 11:3

Iran ni khaemwisẹ gha viẹ eve oya, uyi iran fafaa! Gha họn vbene avbe oduma vannọ hẹ; ẹgbo ne iran dia vbe ọkpẹn Jọdan, a rẹnkhẹn ehia a!

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.