Jerimaia 25:32 - Edo Bible (E Baibol Ẹdo) Version 1996

³² E Nọyaẹnmwa ne Oghodua khare wẹẹ, “Ọkhọ dee ra do rruan avbe uhunmwu ẹvbo ọsegbe ọsegbe, okpẹhoho okpa wa si koko vbe odẹ ehe ne agbọn sẹe.

Jerimaia 25:32 ပူးပေါင်းရင်းမြစ်များ

II Krọnikol 15:6

Ẹvbo ọkpa kegha zẹ ẹvbo nọkpa owẹ, ore ọkpa kegha zẹ ore nọkpa owẹ rhunmwuda, Osanobua keghi si ọlọghọmwa kevbe omẹ ye iran egbe.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 34:2

E Nọyaẹnmwa wa mu ohu avbe uhunmwu ẹvbo hia kevbe avbe iyokuo iran. Ọ tae nẹ ighẹ te iran hia ra fuan.

Aizaia 5:28

Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Jerimaia 23:19

Okpẹhoho ọ re ohu ẹre khin, ẹhoho ne ọ wegbe ne ọ gha khọn la uhunmwu avbe emwa dan.

Jerimaia 30:23

Okpẹhoho ọ re ohu e Nọyaẹnmwa khin, okpẹhoho ọbanabe ne ọ gha guọmwẹ la uhunmwu avbe emwa dan. Ẹ i ra dobọyi vbe ọ ma ru emwi ne ọ ho ne ọ ru fo nẹ. Avbe emwa rẹn gha rẹn otọ emwi na fo ẹse vbe ẹghẹ ne ọ dee.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Iyẹn ne ọ Maan Ọghe Luk 21:10

Ọ keghi rhie tẹe wẹẹ, “Agbọn ẹvbo ọkpa gha mu okuo gie agbọn ẹvbo ọvbehe, arriọba ọkpa ghi gha gu ariọba ọvbehe gbinna.

Iyẹn ne ọ Maan Ọghe Luk 21:25

“Ama gha rhiegbe ma vbe owẹn, kevbe uki kevbe avbe orhọnmwẹ. Egbe gha wọ agbọn ẹvbo ni bun vbe agbọn, ne afianma okun ni gbinna, kevbe odin amẹ ni hẹ yo hẹ rre.