Jerimaia 25:30 - Edo Bible (E Baibol Ẹdo) Version 1996

³⁰ “Wẹ ne Jerimaia, ghẹ mwẹ u ma ta uhunmwu ne I gie hia. U ghi tama avbe emwa na wẹẹ, “ ‘E Nọyaẹnmwa gha davan ke ẹrinmwi rre ọ ghi vbe van avan ke ehe ne ọ yo vbe odukhunmwu ẹrinmwi rre, ọ gha van mu emwa rẹn, ọ gha da van vbe okpia ne okpia ne ọ minọ ọmọ erhan ne a ya ru ayọn. Emwa hia ni rre agbọn gha họn urhu ẹre.

Jerimaia 25:30 ပူးပေါင်းရင်းမြစ်များ

II Samuẹl 15:25

Ẹre ọba na khama e Zadọk wẹẹ, “Mu Ẹkpẹti Ile werriegbe gha rrie ore ẹvbo. A deghẹ Nọyaẹnmwa ho ẹmwẹ mwẹ, ọ gha rhie mwẹ werriegbe rre ẹdẹ ọkpa, ne I do bẹghe ẹre ke ẹe kevbe ehe ne a mu ẹẹn yi.

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 132:14

“Ehe ne I ra gha ye ẹdẹdẹmwẹdẹ ọ re ọna khin, ehe ne I ho ne I na gha khaemwisẹ nọ.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 58:5

Ne ẹ i họn vbe ọmwa ne ọ ta ẹyẹn ohun, a gha ta ẹre ohun. Ra ẹmwẹ unu ọghe ọbo edunna ne ọ guẹe fo.

Psalm 78:65

Vbe okiekie e Nọyaẹnmwa keghi rhiọrre vbe ne a miẹn wẹ te ọ te vbiẹ, ọ keghi yevbe okpia ne ọ wegbe ne ọ ya ayọn fian ọghae ye uhunmwu.

Aizaia 16:9

Banbanna nian, I viẹ ugbo azara e Sibma, I vbe viẹ Jazẹ. Ameve rhọ vbe aro mwẹ ne Hesbọn kevbe Elealẹ rhunmwuda, emwiorhọ i rrọọ ne ọ gha ya ẹko avbe emwa nii gha rhiẹnrhiẹn.

Aizaia 33:3

U gha gbinna ne ima, avbe uhunmwu ẹvbo ghi gha lẹ kua vbe iran a họn owogho okuo.

Aizaia 42:13

E Nọyaẹnmwa ladian ne ọ ya gbinna zẹ vbe ovbiyokuo ọ mu egbe nẹ, te ọ ghi khẹ nene okuo, ọ tu utumwẹ okuo, ugomwẹ igbinna ọ rhie ẹtin ẹnrẹn ma vbe egbe avbe eghian rẹn.

Jerimaia 17:12

Te Ọgua Osa mwa yevbe ẹkete uyi, ne ọ mudia yan oke ne ọ yo ke omuhẹn gha dee.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Emọs 1:2

Emọs khare wẹẹ, “E Nọyaẹnmwa van okan ke Oke Zaiọn rre, urhu ẹre vanhiẹn ke Jerusalẹm rre. Avbe ehe ne aranmwẹ na rria hia giẹn uan.”

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Diuteronomi 26:15

Ke ehe ne ọ huanrẹn ọwuẹ ghe otọe, ne u fiangbe Izrẹl ne emwa ruẹn, kevbe ne u vbe fiangbe otọe esiesi ne ọ maa emwiokọ ne u mu ne ima, zẹ vbene u ve avbe erha mwa odede re.’

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.