Jerimaia 25:15 - Edo Bible (E Baibol Ẹdo) Version 1996

¹⁵ E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 25:15 ပူးပေါင်းရင်းမြစ်များ

Job 21:20

Gie emwa orukhọ ya uhunmwu mu oya iran. Wa giẹ iran miẹn ohu Osanobua ne Udazi vbe egbe iran.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 60:3

U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Psalm 75:9

Sokpan, mẹ i ra dobọ ẹmwẹ Osanobua Jekọb ne a ta yi ra nene ihuan urhomwẹ, ne I so ghe ẹre.

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 34:2

E Nọyaẹnmwa wa mu ohu avbe uhunmwu ẹvbo hia kevbe avbe iyokuo iran. Ọ tae nẹ ighẹ te iran hia ra fuan.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 43:11

E Nebukiadneza gha rre do khọn Igipt. Iran ne a kha re ighe emianmwẹ ọ ra gbele iran, emianmwẹ gha gbele iran, iran ne a wẹ te a ra munọ iran oghunmwu gha rrie, a gha munọ iran oghunmwu gha rrie, iran ne a khare ighe te a ra gbele iran vbe okuo, a gha gbele iran vbe okuo.

Jerimaia 45:5

Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Jerimaia 46:1

E Nọyaẹnmwa keghi gunmwẹ guaan vbekpa avbe uhunmwu ẹvbo.

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Jerimaia 49:12

“Adeghẹ te a ghi miẹn wẹ avbe emwa ni ma te kei ne iran rrioya, vbe danmwẹ vbe uwu ukpu irrioya ni, te uwẹ ghi ro i ghe irrioya nii gha la uwẹ ban? Hiehiere, te uwẹ gha vbe wọn vbe uwu ukpu nii!

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Ezikiẹl 23:32

E Nọyaẹnmwa ne Udazi khare wẹẹ, “U gha wọn vbe ukpu ọtuẹn, ọ kpolo, ọ vbe dinmwi. Emwa hia gha sọnnọ ọn, iran ghi vbe gha ta ruẹ giẹ; te ukpu nii wa vuọn sẹ ukpẹ.

Ezikiẹl 23:33

Ọ gha so uẹ gọ, u ghi khian ne ayọn gbe, ighe ukpu ohan kevbe ọrhiae nii, ukpu e Sameria ne ọtuẹn.

Ezikiẹl 29:12

Avbe okpẹvbo ni rre Igipt khian ẹvbo ne ọ ghi dihoi rua sẹ vbe uhunmwu otọ agbọn hia. Avbe okpẹvbo ni rre Igipt hia, itowa ọ re ehia ra gha khin la ukpo iyeva, ọ ghi rhia sẹ egbe ne a he ka miẹn vbe ẹvboikẹvbo yi. I gha ya ivbi Igipt khian emwa ni lẹ ku ẹvbo ẹrrẹe, iran gha lẹ la avbe ẹvbo hia, iran ghi ya gha rre uwu ẹbu emwa ọvbehe.”

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Obedaia 1:16

Emwa mwẹ wọọn nẹ vbe ukpu orriara ọghe irrioya. Sokpan, avbe ẹvbo ni lẹga iran gha wọn ukpu ne ọ rriara sẹẹ ọnii ẹsẹse ọghe irrioya, iran gha wọn ehia, a ghi ho iran hia bẹkun.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.

Arhie Maan 14:19

Rhunmwuda ọnii, odibosa keghi fieghe abẹkpẹn ọnrẹn ghe agbọn, ọ keghi giagia ọmọ azara hin avbe azara rre, ọ ke viọ ehia ku uwu okọ ne a na ru ẹdin oghẹ izohu Osanobua.