Jerimaia 25:12 - Edo Bible (E Baibol Ẹdo) Version 1996

¹² “ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 25:12 ပူးပေါင်းရင်းမြစ်များ

II Ọba 24:1

Ẹghẹ ne Jehoiakim na gha re ọha, e Nebukiadneza ne ọba e Babilọn keghi mu okuo gha die Juda. E Jehoiakim keghi ya ukpo eha gha ga gie ẹe, vbe iyeke ọnii, ọ keghi sọtẹ.

II Krọnikol 36:22

Vbe ukpo ne okaro ne Sairọs khian ọgbaisi e Pẹsia, e Nọyaẹnmwa keghi ruẹe ne ẹmwẹ ne ọ la unu e Jerimaia ne akhasẹ ta, do sẹ. Ọ keghi rhie ye Sairọs ekhọe ne ọ ta ẹmwẹ na ladian, ne ọ gbẹnnẹ ọẹn ye ebe ne a vbe tie ẹre ladian vbe ehe ne otọ arriọba ẹre sẹe ehe ne ọ rhanmwẹ wẹẹ:

Psalm 137:8

E Babilọn, te a ra guọghọ ua, afiangbe nọ ne ọmwa ne ọ gha ha ẹre ne uẹn, zẹ vbene uwẹ ru ghe mwa

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 15:6

Ẹzẹ e Nimrim kae irunmwu ni rre ọkpẹn ọnrẹn luẹluẹe, emwi ne ọ mwẹ ebe nekhui i ghi rrọ.

Aizaia 20:1

E Sagon ne Ọgbaisi ọghe Asiria, keghi gie olotu avbe ọkaokuo ọghe Asiria ne ọ ya khọn Asdọd ne ọ rre otọ e Filistia.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 46:1

“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 27:22

A gha viọ iran gha rrie Babilọn, ehia ghi vbe gha rre evba vbe I te do vbe mu ẹmwẹ iran tuorre. Ẹghẹ nii, I gha viọ iran werriegbe rre I ghi werriegbe do viọ iran ye emwa. Mẹ ne Nọyaẹnmwa ọ re ọ tae.”

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Jerimaia 29:10

“E Nọyaẹnmwa khare wẹẹ, ‘Ukpo ekigbesiyenẹ ọghe Babilọn ghẹ ghi gba nẹ, I gha do zẹ ye ẹmwẹ uwa, I gha mu eyan mwẹ sẹ wẹ I gha viọ uwa dọlegbe gha die owa.

Ezikiẹl 35:9

“I gha ye uwẹ khian ne ọ dihoi rua ẹdẹdẹmwẹdẹ, a i ghi miẹn ọmwa ne ọ gha di ẹvbo ruẹ ya ọvbehe. Ẹghẹ nii, u gha rẹn wẹ mẹ ọrọre Nọyaẹnmwa.

Daniẹl 9:2

Vbe ukpo ne okaro ne ọ rriọba, I kegha tie ebe nọhuanrẹn nii, I keghi vbe gha mu ẹmwẹ ukpo e kigbesiyenẹ ne Jerusalẹm ra wa ya gha re itowa ro, zẹ vbene Nọyaẹnmwa tama e Jerimaia ne akhasẹ.

Habakọk 1:17

Te iran ra wa gha fi umozo iran rhinrin ẹdẹ ra, ne iran vbe dunmwu agbọn ẹvbo rua vbe ne a i na mwẹ itohan?