Jerimaia 25:10 - Edo Bible (E Baibol Ẹdo) Version 1996

¹⁰ I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 25:10 ပူးပေါင်းရင်းမြစ်များ

Ẹsta 3:13

Iran keghi viọ ne emwa ni rhulẹ, ne iran viọ ẹre gba iyaẹvbo ni rre otọe arriọba nii hia. Emwi ne a gbẹn yọ ọrọre wẹ, a rhie ẹdẹ ọkpa ye otọ, ọnii nọ wẹ ikpẹdẹ ne ogiwera ọghe Ada, a ghi gbele avbe Ju hia kevbe ọmaẹn kevbe ẹghele, ikpia kevbe ikhuo, a wẹ ne a gbele iran an, vbe ne a i na vbe tohan ọmwa, wa ghi vbe viọ emwi iran hia.

Ẹsta 7:4

Ke imẹ kevbe emwa mwẹ, a khiẹnnẹ ima nẹ wẹ ne a gbele ima an. Akpawẹ te a khiẹnnẹ ima kua kevbe a ya gha re eviẹn emwa ọvbehe, I ghẹ zẹdẹ kpokpo uẹ, I gha hẹko hunwan, sokpan, te a ghi ra fuẹn ima an na, ne ima wa wu gbe ẹro.”

Ẹsta 8:11

Ebe na keghi kha wẹ ọba gha kue ne avbe Ju ku obọ gbe avbe otu otu vbe dọmwadẹ ehe ne iran ye, ne iran ya gbinna ne egbe iran. A Deghẹ ivbi ẹvboikẹvbo ne ọ rhirhi a gha khin ghi do hẹ rhu uwa kevbe iran kevbe emwi igbinna vbe obọ, wa ghi gu iran gbinna, ne uwa rẹnkhẹn iran an, kevbe amwẹ iran, kevbe ivbi iran. Iran sẹtin wa gbele iran vbene ọkpa ighi na vbe ke ẹe vbọ, iran ghi vbe viọ emwi ne iran mwẹ.

Aizaia 47:2

Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Eve Orriara 5:15

Ọyẹnmwẹ lahin ẹdagbọn ima rre nẹ; akhiẹ ọ re ọ ghi rhie ihe iku ne ima te ku.

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.