Jerimaia 23:39 - Edo Bible (E Baibol Ẹdo) Version 1996

³⁹ I gha gua iran rhie, I ghi filo iran ku ehe ne ọ rrei mẹ ẹsẹse ke iran kevbe ẹvbo nii ne I mu ne avbe erha iran odede.

Jerimaia 23:39 ပူးပေါင်းရင်းမြစ်များ

Gẹnẹsis 4:16

E Keni keghi kpao vbe ehe ne Nọyaẹnmwa ye rre, ọ ke ya di otọe ne a tie eni ẹnrẹn “Enọkpolugho” ya vbe asefẹn ahọ ọghe Idẹni.

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

II Ọba 23:27

E Nọyaẹnmwa keghi kha wẹẹ, “I gha ru e Juda emwi ne I vbe ru Izrẹl re: I gha viọ ivbi e Juda hin odaro mwẹ rre I gha he Jerusalẹm ne ẹvbo ne I hannọ zẹ, ke Ọgua Osa, ehe ne Imẹ khare ighẹ a gha na gha ga mwẹ.”

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Itan 13:13

A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.

Aizaia 48:15

Mẹ ọ re ọ guanrẹn, I na vbe tie ẹre I su ẹe ladian, I na vbe rhie akhọnmiotọ ne ẹẹn.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 23:33

E Nọyaẹnmwa keghi tama mwẹ wẹẹ, “E Jerimaia, a deghẹ ọkpa vbe uwu avbe emwa ra akhasẹ, ra ohẹn nọ ruẹn wẹẹ, ‘Vbe Nọyaẹnmwa kha hẹ?’ U ghi tama rẹn wẹẹ, ‘Ihẹ ọ re uwa khin ne Nọyaẹnmwa, ọ gha mu uwa fua wan.’

Jerimaia 23:38

Adeghẹ iran ma ru vbene I khare, iran na ye lo ẹmwẹ na wẹẹ, ‘Ihẹ e Nọyaẹnmwa,’ ẹghẹ nii, u ghi tama iran wẹ.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 36:31

I gha rri uwẹ oya, ivbi uniẹn ruẹn kevbe avbe ekhaẹmwẹ ruẹn rhunmwuda orukhọ ne uwa hia ru. Ke uwẹ kevbe ivbi e Jerusalẹm kevbe ivbi e Juda ne ọ zẹyọ obọ ne i ya sekhae ne iran irrọ, rhunmwuda ọnii, ọkhọ ne I khare ighe ọ gha rruan uwa, te I ra mu ẹẹn sẹ.”

Jerimaia 52:3

Ohu ivbi e Juda kevbe ivbi e Jerusalẹm keghi mu e Nọyaẹnmwa sẹrriọ wẹ ọ keghi viọ iran hin ehe ne irẹn ye rre. E Zedekaia keghi sọtẹ ọba e Babilọn ighẹ Nebukiadneza.

Jerimaia 7:14

Rhunmwuda ọnii, emwi ni ya Siailo khian, ọ re I ra ya Ọgua Osa mwẹ na ne uwa mu ẹtin ya khian.

Jerimaia 7:15

I gha khulo uwa hin odaro mwẹ rre, zẹ vbe ne I vbe khulo avbe etẹn uwa ladian ighe ivbi Izrẹl. Mẹ ne Nọyaẹnmwa ọ re ọ tae.”

Eve Orriara 5:20

Vbu a ghi na fi iyeke gbe mwa kpee sẹrriọ hẹ yi? U gha ye ye ima rre ẹdẹ yi?

Ezikiẹl 34:11

“Mẹ ne Nọyaẹnmwa ne Udazi tama uwa nian wẹ, I gha gualọ avbe ohuan mwẹ miẹn, I ghi vbe tobọ mwẹ gha gbearoghe iran.

Ezikiẹl 34:20

“Rhunmwuda ọnii, mẹ ne Nọyaẹnmwa ne Udazi tama uwa wẹ I gha bu ohiẹn uwa ne ohuan ni wegbe kevbe avbe ohuan ni ma wegbe.

Ezikiẹl 5:8

Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.

Ezikiẹl 6:3

Tama avbe oke Izrẹl ne iran danmwehọ vbene e Nọyaẹnmwa ne Udazi khare, ne iran họn ẹmwẹ ne imẹ ne Nọyaẹnmwa ne Udazi tama avbe oke nekhua ke negiẹrẹ, avbe ugboghodo kevbe iya: I gha gie umozo ne ọ do guọghọ ehe ne emwa na ga avbe ẹbọ rua.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.