Jerimaia 23:34 - Edo Bible (E Baibol Ẹdo) Version 1996

³⁴ Adeghẹ ọkpa vbe uwu avbe emwa mwẹ, ra akhasẹ ra ohẹn vbe lo ẹmwẹ ni wẹẹ, ‘Ihẹ e Nọyaẹnmwa,’ I gha rri irẹn vbe ẹgbẹe ọre oya.

Jerimaia 23:34 ပူးပေါင်းရင်းမြစ်များ

Jerimaia 36:31

I gha rri uwẹ oya, ivbi uniẹn ruẹn kevbe avbe ekhaẹmwẹ ruẹn rhunmwuda orukhọ ne uwa hia ru. Ke uwẹ kevbe ivbi e Jerusalẹm kevbe ivbi e Juda ne ọ zẹyọ obọ ne i ya sekhae ne iran irrọ, rhunmwuda ọnii, ọkhọ ne I khare ighe ọ gha rruan uwa, te I ra mu ẹẹn sẹ.”

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Nahum 1:1

Uhunmwu ne a giee vbe ekpa Ninevi ọ re ọna khin, zẹ vbene ọ gbẹn ọẹn ye otọ vbe ekpa umian ne ọ miẹn ighe Nahum ne ovbi ẹvbo ne a tie ẹre Ẹlkos.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.