Jerimaia 23:33 - Edo Bible (E Baibol Ẹdo) Version 1996

³³ E Nọyaẹnmwa keghi tama mwẹ wẹẹ, “E Jerimaia, a deghẹ ọkpa vbe uwu avbe emwa ra akhasẹ, ra ohẹn nọ ruẹn wẹẹ, ‘Vbe Nọyaẹnmwa kha hẹ?’ U ghi tama rẹn wẹẹ, ‘Ihẹ ọ re uwa khin ne Nọyaẹnmwa, ọ gha mu uwa fua wan.’

Jerimaia 23:33 ပူးပေါင်းရင်းမြစ်များ

II Ọba 23:27

E Nọyaẹnmwa keghi kha wẹẹ, “I gha ru e Juda emwi ne I vbe ru Izrẹl re: I gha viọ ivbi e Juda hin odaro mwẹ rre I gha he Jerusalẹm ne ẹvbo ne I hannọ zẹ, ke Ọgua Osa, ehe ne Imẹ khare ighẹ a gha na gha ga mwẹ.”

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 14:28

Uhunmwu ne a giee rre vbe ukpo ne Ehaz wu ọ re ọna khin.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 17:15

Avbe emwa ni tama mwẹ wẹẹ, “Eyan ne Nọyaẹnmwa gha yan gie ima nii hia vboo yi, wẹ ne ọ mu ẹẹn sẹ nian!”

Jerimaia 6:30

Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Jerimaia 7:15

I gha khulo uwa hin odaro mwẹ rre, zẹ vbe ne I vbe khulo avbe etẹn uwa ladian ighe ivbi Izrẹl. Mẹ ne Nọyaẹnmwa ọ re ọ tae.”

Ezikiẹl 12:21

E Nọyaẹnmwa keghi tama mwẹ wẹẹ,

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Nahum 1:1

Uhunmwu ne a giee vbe ekpa Ninevi ọ re ọna khin, zẹ vbene ọ gbẹn ọẹn ye otọ vbe ekpa umian ne ọ miẹn ighe Nahum ne ovbi ẹvbo ne a tie ẹre Ẹlkos.

Habakọk 1:1

Uhunmwu ne a gie ne Nọyaẹnmwa rhie ma e Habakọk ne akhasẹ ọ re ọna khin.

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Malakai 1:1

Uhunmwu ne Nọyaẹnmwa giee Malakai re gie ivbi Izrẹl ọ re ọna khin.