Jerimaia 23:28 - Edo Bible (E Baibol Ẹdo) Version 1996

²⁸ Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Jerimaia 23:28 ပူးပေါင်းရင်းမြစ်များ

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

I Ọba 22:16

Sokpan, Ehab keghi kha wẹẹ, “Inu igba I gha tama ruẹn yi wẹ ẹmwata ọkpa ọ re u gha ye eni Nọyaẹnmwa tama mwẹ?”

Itan 14:5

Emwata ọ re ọ sẹe ne ọ gie a mu ẹtin yan ta ẹghẹ hia; sokpan, ne ẹ i gie a mu ẹtin yan i vbe ta ẹmwẹ ọvbehe gberra ohoghe.

Aizaia 21:10

Wa ne Izrẹl ne emwa mwẹ, te a te gha wiẹn uwa vbe ọka, sokpan, banbanna nian, te I mẹ ghi do na iyẹn oghọghọ na ne imẹ vbe họn vbe ọghe Nọyaẹnmwa ne Oghodua ne Osanobua Izrẹl, ma uwa.

Jerimaia 23:25

I rẹn vbene iran kha hẹ ighe avbe akhasẹ nii, iran ni ya eni mwẹ ta ohoghe iran ghi do kha wẹ mẹ ọ re ọ gie iran uhunmwu vbe imina.

Jerimaia 42:4

Mẹ keghi wanniẹn wẹẹ, “Ọ wa maa ẹsẹse, I gha na erhunmwu ghe Nọyaẹnmwa Osanobua, vbene uwa nọrẹn, emwi ne ọ rhirhi ghi vbe ta, I gha tama uwa. I i ra vbe rhie emwiọkpa lẹre ne uwa.”

Jerimaia 9:12

Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”

Jerimaia 9:20

Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.

Ezikiẹl 13:3

Vbenian ọre Nọyaẹnmwa ne Udazi khare: “Ọghe avbe akhasẹ ne akpa na fo. Iran ọ tobọ iran fian ọghae ye egbe iran uhunmwu, iran ghi vbe gha zẹ ẹmwẹ akhasẹ iran ta.

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Iyẹn ne ọ Maan Ọghe Luk 12:42

Nọyaẹnmwa wanniẹn wẹ, “Gha ọre ọguọmwadia ne ekhọe esi kevbe ne ọ waan? Rẹn ọrọre ọmwa ni ne arowa ẹre mu owa nẹẹn gha su, ne ovbe gha ghae evbare ne eguọmwadia ne kpa vbe ẹghẹ a sẹ.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

I Timoti 1:12

I kpọnmwẹ Kristi Jesu Nọyaẹnmwa, ọmwa ne ọ rhie ẹtin mẹ ya winna iwinna mwẹ. I kpọnmwẹ ọẹn ye ne ọ na ka mwẹ ye ọmwa ne ọ kere, ọ keghi zẹ mwẹ yọ wẹ ne I gha ga irẹn.