Jerimaia 23:21 - Edo Bible (E Baibol Ẹdo) Version 1996

²¹ E Nọyaẹnmwa khare wẹẹ, “I ma gie avbe akhasẹ na, sevba, iran keghi ye gha khian, I ma zẹdẹ gie iran uhunmwu sokpan, iran ke ya gha ya eni mwẹ guan.

Jerimaia 23:21 ပူးပေါင်းရင်းမြစ်များ

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Jerimaia 14:14

Sokpan, e Nọyaẹnmwa ke wanniẹn wẹẹ, “Te avbe akhasẹ nii ta ohoghe vbe eni mwẹ, I ma gie iran, ama ghi wẹ ne I tama iran wẹ ne iran ta ẹmwẹ okpa ma iran. Umian ne iran kha nii ẹ i re ehe ne I ye ọ re iran ke rre, emwi ne ọ mwa ma ne iran zẹ iro ẹre vbe ekhọe iran, ọ re ẹmwẹ ne iran ta yotọ khin.

Jerimaia 23:32

Danmwehọ ẹmwẹ ne imẹ ne Nọyaẹnmwa tae! Ohu avbe akhasẹ ni ta imina iran ne ọ vuọn ne ohoghe mu mwẹ. Iran ghi gha ta avbe imina na, iran ghi gha bibi emwa mwẹ odẹ vbekpa ohoghe kevbe orhuọ ọghe iran. I ma gie iran, I ma wẹ ne iran gha khian, iran i zẹdẹ mwẹ asa ne iran ye ne emwa nii hiehiere. Mẹ ne Nọyaẹnmwa ọ re ọ tae.”

Jerimaia 27:14

Ghe zẹ ye avbe akhasẹ ni tama ruẹn ne u ghẹ de igue ne ẹẹn re. Te iran rẹrọ ọ.

Jerimaia 27:15

E Nọyaẹnmwa tobọ ẹre tae nẹ wẹ rẹn ma gie iran, ighẹ te iran ya eni irẹn ta ohoghe ma ruẹn. Rhunmwuda ọnii, ọ gha khu uẹ ladian, iran gha gbe uẹ ua, ke uwẹ kevbe avbe akhasẹ ni ta ohoghe na ma ruẹn.”

Jerimaia 28:15

Mẹ keghi talọ avbe ẹmwẹ na ma e Hananaia, I keghi vbe rhie te ẹe wẹẹ, “Danmwehọ e Hananaia! E Nọyaẹnmwa ma zẹdẹ gie uẹ, te u ru ẹe ne iran na gha ya ohoghe yi.

Jerimaia 29:31

Ne I gie ne a tama avbe oghunmwu vbe Babilọn vbekpa Siemaia wẹẹ: “Mẹ ne Nọyaẹnmwa gha rri e Siemaia oya kevbe ivbi uniẹn ọnrẹn hia. I ma gie ẹe sokpan, ọ kegha gu uwa guan vbene a miẹn wẹ akhasẹ nọ, ọ na gie uwa gha ya ohoghe yi. Rẹn i khian gha mwẹ ivbi uniẹn ọnrẹn vbe ehe ne uwa ye. Ẹ i ra tọ ne aro ẹre sẹ emwi esi ne I ra ru ne emwa mwẹ, rhunmwuda, ọ tama iran ne iran sọtẹ mwẹ. Mẹ ne Nọyaẹnmwa taa ẹe nẹ.”

Jerimaia 29:8

Mẹ ne Nọyaẹnmwa ne Osanobua Izrẹl tama uwa nian, ne uwa ghẹ gie iran rẹrẹ uwa ighẹ avbe akhasẹ ni rre ehe ne uwa ye, fa avbe iran ni kha ighẹ iran gha sẹtin ta emwi ne ọ gha sunu akhuẹ ma ọmwa. Wa ghẹ vbe zẹdẹ danmwehọ imina ne iran wẹ iran mina.

Jerimaia 29:9

Te iran ya eni mwẹ ta ohoghe ma uwa. I ma gie iran. Mẹ ne Nọyaẹnmwa tae nẹ.’

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iwinna 13:4

Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”