Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 23:16 - Edo Bible (E Baibol Ẹdo) Version 1996

16 E Nọyaẹnmwa ne Oghodua tama ivbi e Jerusalẹm, “Wa ghẹ danmwehọ ẹmwẹ ne avbe akhasẹ ta, idaehọ ohoghe ọre iran ya koko uwa. Emwi ne ọrre iran ekhọe ọre iran tama uwa, ẹ i re ẹmwẹ ne imẹ tae.

အခန်းကိုကြည့်ပါ။ ကော်ပီ




Jerimaia 23:16
26 ပူးပေါင်းရင်းမြစ်များ  

Ọkpa vbe uwu avbe akhasẹ nii, e Zedekaia ne ovbi e Kienaana keghi dunmwu igho ematọn, ọ tama Ehab wẹẹ, “Vbenian ọre Nọyaẹnmwa khare, ‘Ọ na ọre u ra ya khọn ivbi e Siria a te do wabọ iran an fẹẹrẹ.’ ”


Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.


Ẹre Ehab na tie avbe akhasẹ rre, iran kegha re omwa uri eva, (400) ọ ke nọ iran wẹẹ, “Ne I ya khọn Ramọt ra ne I ghẹ yo?” Iran hia ke wanniẹn wẹẹ, “Ya khọn rẹn, Osanobua gha rhie akhọnmiotọ nuẹn.”


Ovbi mwẹ, u gha dobọyi vbe emwi ne a ruẹ, u gha rherhe mianmian ne u te ka rẹn yi.


Sokpan, e Nọyaẹnmwa ke wanniẹn wẹẹ, “Te avbe akhasẹ nii ta ohoghe vbe eni mwẹ, I ma gie iran, ama ghi wẹ ne I tama iran wẹ ne iran ta ẹmwẹ okpa ma iran. Umian ne iran kha nii ẹ i re ehe ne I ye ọ re iran ke rre, emwi ne ọ mwa ma ne iran zẹ iro ẹre vbe ekhọe iran, ọ re ẹmwẹ ne iran ta yotọ khin.


E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.


E Nọyaẹnmwa khare wẹẹ, “I ma gie avbe akhasẹ na, sevba, iran keghi ye gha khian, I ma zẹdẹ gie iran uhunmwu sokpan, iran ke ya gha ya eni mwẹ guan.


Inu ẹghẹ ọ re avbe akhasẹ nii gha ghi ya ohoghe ne iran zẹ ta bibi emwa mwẹ odẹ kpee sẹ?


Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”


Mẹ ne Nọyaẹnmwa ne Osanobua Izrẹl tama uwa nian, ne uwa ghẹ gie iran rẹrẹ uwa ighẹ avbe akhasẹ ni rre ehe ne uwa ye, fa avbe iran ni kha ighẹ iran gha sẹtin ta emwi ne ọ gha sunu akhuẹ ma ọmwa. Wa ghẹ vbe zẹdẹ danmwehọ imina ne iran wẹ iran mina.


Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”


Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.


Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.


avbe akhasẹ ni gha bọ ọ maa, ọ maa ne Jerusalẹm nii, vbe emwi i zẹdẹ maa!” E Nọyaẹnmwa ne Udazi guan nẹ.


“Ghe nian ighe ọfo vbotọ ighẹ umian emamase kevbe a ta yotọ, ne ọ de ọmwa odẹ, ne uwa ta. Mẹ ra wọlọ emwa mwẹ hin obọ ẹtin uwa rre nian, ne uwa miẹn ehe na rẹn ighẹ mẹ ọrọre Nọyaẹnmwa.”


Vbenian ọre Nọyaẹnmwa ne Udazi khare: “Ọghe avbe akhasẹ ne akpa na fo. Iran ọ tobọ iran fian ọghae ye egbe iran uhunmwu, iran ghi vbe gha zẹ ẹmwẹ akhasẹ iran ta.


Imamase ọ re umian iran khin, ohoghe ọ re ẹmwẹ ne iran guan yotọ vbe khin. Iran ghi kha wẹ uhunmwu ne I gie ọ re iran ta, vberriọ, I ma zẹdẹ gie iran. Iran ghi ye vbe gha kha wẹ ẹmwẹ iran gha sẹ!


Avbe akhasẹ keghi gbegue avbe orukhọ na, zẹ vbe ne emwa ya orhue gue ekẹn ne a gbe. Iran miẹn umian ohoghe, iran keghi vbe ta ẹmwẹ a tae yotọ ne ọ vbe re ohoghe. Iran ghi gha kha wẹ ẹmwẹ e Nọyaẹnmwa ọ re iran ta, sokpan mẹ ne Nọyaẹnmwa ne Udazi ma gie iran.


“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’


“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.


Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.


Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ