Jerimaia 23:14 - Edo Bible (E Baibol Ẹdo) Version 1996

¹⁴ Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 23:14 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 18:20

Ẹkpo nii ọre Nọyaẹnmwa na khama Ebraham wẹẹ, “Emwa wa guan ẹmwẹ emwi dan ne Sọdom kevbe Gomorra ru, orukhọ iran vbe kpọlọ.

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Gẹnẹsis 19:25

Erriọ, e Nọyaẹnmwa keghi fuẹn okpẹvbo na eveva kevbe iya nii hia kevbe emwi hia ni zọ vbe otọe nii.

Aizaia 9:15

Avbe eniwanrẹn ne adazẹ, ọrọre avbe uhunmwu, avbe ẹrhunrhun ni rrọ keghi gha re avbe akhasẹ, ni ma emwa emwi ohoghe.

Jerimaia 14:14

Sokpan, e Nọyaẹnmwa ke wanniẹn wẹẹ, “Te avbe akhasẹ nii ta ohoghe vbe eni mwẹ, I ma gie iran, ama ghi wẹ ne I tama iran wẹ ne iran ta ẹmwẹ okpa ma iran. Umian ne iran kha nii ẹ i re ehe ne I ye ọ re iran ke rre, emwi ne ọ mwa ma ne iran zẹ iro ẹre vbe ekhọe iran, ọ re ẹmwẹ ne iran ta yotọ khin.

Jerimaia 18:13

E Nọyaẹnmwa keghi kha wẹẹ, “Wa nọ dọmwadẹ uhunmwu ẹvbo ghe adeghẹ egbe emwi vberriọ he ka sunu ẹdẹ. Ivbi Izrẹl ru a ghẹ ru nẹ!

Jerimaia 20:16

Te ọ gha họn utumwẹ obalọ vbe owiẹ kevbe okokoko ọghe okuo vbe ogiavan.

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 23:22

Akpawẹ te iran rẹn iro ẹkhokho ekhọe mwẹ, iran gha ta uhunmwu ne I gie ma emwa mwẹ, iran gha te ru ẹe ne iran sẹ uyinmwẹ dan ne iran yin kevbe emwi dan ne iran ru rae.

Jerimaia 23:32

Danmwehọ ẹmwẹ ne imẹ ne Nọyaẹnmwa tae! Ohu avbe akhasẹ ni ta imina iran ne ọ vuọn ne ohoghe mu mwẹ. Iran ghi gha ta avbe imina na, iran ghi gha bibi emwa mwẹ odẹ vbekpa ohoghe kevbe orhuọ ọghe iran. I ma gie iran, I ma wẹ ne iran gha khian, iran i zẹdẹ mwẹ asa ne iran ye ne emwa nii hiehiere. Mẹ ne Nọyaẹnmwa ọ re ọ tae.”

Jerimaia 29:21

“E Nọyaẹnmwa ne Oghodua, Osanobua Izrẹl guaan nẹ, vbekpa Ehab ne ovbi Kolaia kevbe Zedekaia ne ovbi e Manasẹ emwa ni ya eni ẹnrẹn ta ohoghe ma uwa. Ọ khare wẹ rẹn gha viọ iran ye obọ ẹtin e Nebukiadneza ọba ọghe Babilọn, ọmwa ne ọ gha sirra uwa gbele iran an.

Jerimaia 29:23

Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 49:18

Emwi ne ọ mian Sọdom kevbe Gomorra vbe ẹghẹ ne a na guọghọ iran kevbe avbe ẹvbo ni lẹga iran uan, ọ re ọ ra vbe rruan Idọm. Ọmwa i ghi dọlegbe yin ẹnrẹn ọvbehe. Mẹ ne Nọyaẹnmwa ọ re ọ taa ẹe.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Ezikiẹl 13:16

avbe akhasẹ ni gha bọ ọ maa, ọ maa ne Jerusalẹm nii, vbe emwi i zẹdẹ maa!” E Nọyaẹnmwa ne Udazi guan nẹ.

Ezikiẹl 13:19

Wa sirra emwa mwẹ yagha mwẹ ne iran miẹn ehe na zẹ uguobọ ọka eso ne uwa, ne iran vbe viọ iku ebrẹd eso ne uwa. Wa gbele avbe emwa ne uwu ma khẹ ke, emwa ni ma khẹke ne iran gha rre agbọn, wa ghi sẹ iran rae. Erriọ wa ya ta ohoghe ma emwa mwẹ, iran ghi vbe gha rhie ẹmwẹ uwa.”

Ezikiẹl 22:25

Avbe ọkaolotu yevbe avbe oduma ni vannọ yan atita ne iran gbe nẹ. Iran gha gbele emwa ni nẹ, iran ghi viọ igho kevbe emwi iran ne obọ iran vbare, rhunmwuda ne iran na de izigha, te ikhuo ni i mwẹ ọdọ ghi kpọ.

Hozia 6:10

Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Maika 1:5

Ena hia gha sunu rhunmwuda ivbi Izrẹl ru orukhọ nẹ, iran keghi vbe sọtẹ ghe Osanobua. De ọmwa ne a gha lẹ isọtẹ ivbi Izrẹl ginna ẹre obọ yi? E Sameria ne igiogbẹ ẹvbo nii tobọ ẹre! De ọmwa ne ọ rri abe ẹbọ ne a gho vbe Juda yi? E Jerusalẹm tobọ ẹre nọ ra!

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Malakai 1:1

Uhunmwu ne Nọyaẹnmwa giee Malakai re gie ivbi Izrẹl ọ re ọna khin.

Matiu 11:24

Ne I guẹ rẹn nian wẹẹ, ọ gha sẹ Ẹdẹ Ibuohiẹn, Osanobua gha tohan Sọdom sẹ ruẹ.”

Diuteronomi 32:32

Eghian iran ni sakan an vbe Sọdom kevbe Gomorra, ye vbe erhan ohọ ne ọ mọ orriara kevbe eruan,

I Timoti 4:2

Obọ avbe ọhọn ohoghe ni mu emwa rẹrẹ, ọre iruẹmwi na ke rre, emwa ne ekhọe ẹre gbin vbe ne a miẹn wẹ te a mu ematọn ye erhẹn ya tọn ẹn.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.