Jerimaia 23:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “Ke akhasẹ kevbe avbe ohẹn, ne ọ rẹn Osanobua i rrọọ I mu iran nẹ vbe iran ru emwi dan, vbe uwu Ọgua Osa tobọ ẹre.

Jerimaia 23:11 ပူးပေါင်းရင်းမြစ်များ

II Krọnikol 33:5

Ọ keghi bọlọ ehe ne a na gho avbe orhọnmwẹ lele ọgua ore eva na ọ rre Ọgua Osa.

II Krọnikol 33:7

Ọ keghi mu amazẹ ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ: “Emwa na vbe Jerusalẹm, vbe Ọgua Osa na, ọ re ehe ne I zẹe vbe otọe ẹwae iweva ni rre Izrẹl, wẹ, a gha na gha ga mwẹ.

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

Ẹzra 10:18

Eni emwa ni viọ ikhuo orhunmwuyẹn ọ re ena khin: Avbe ohẹn kevbe ẹwae ne iran ke rre: Ewae Jọsua kevbe etiọnrẹn, ivbi e Jehozadak ni rrọọ kegha re Maaseia Eliezẹ, e Jarib kevbe Gedalaia.

Jerimaia 11:15

E Nọyaẹnmwa keghi kha wẹẹ, “Emwa ne I ho ẹmwẹ ọnrẹn wa ru emwi dan. De emwi ne ọ ghi ya khẹke iran yi ne iran gha rre uwu Ọgua Osa mwẹ? Te iran ro ra ighe iran gha sẹtin dobọ ọkhọ ne ọ rruan, ọmwa yi vbekpa ne iran na gha ve emwi kevbe ne iran gha na ye aranmwẹ zọ ese?

Jerimaia 23:15

Rhunmwuda ọnii nian, emwi ne I mẹ ne Nọyaẹnmwa ne Oghodua tae vbekpa avbe akhasẹ ni rre Jerusalẹm ọ re ọna khin. I gha rhie ukpakọn ne ọ rriara ne iran kpe I gha mu eruan ne iran wọn rhunmwuda iran ya a i ka Osanobua yọ gba otọe ni hia.”

Jerimaia 32:34

Uhin ighẹ te iran ya mu amazẹ ẹwia iran ye uwu Ọgua Osa, ehe ne a bọe ne a na gha ga mwẹ, iran mu awua yọ nẹ.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 7:30

“Ivbi e Juda ru emwi dan ọkpa, iran ya viọ amazẹ iran ne ọ sọnnọ mwẹ ye uwu Ọgua Osa mwẹ, iran keghi mu awua yọ.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Eve Orriara 2:20

Tọn aro mu Nọyaẹnmwa! Tọn aro mu ghe iran ne u sẹ ọre usẹ! Iyemọ gha gbele emọ ne iran ho ẹmwẹ ọnrẹn re! A gha gbele avbe ohẹn kevbe avbe akhasẹ ye uwu Ọgua Osa tobọẹre!

Ezikiẹl 23:39

Ẹdẹ ne iran gbele ivbi mwẹ nikpia ya zọọ ese ne ẹbọ, iran keghi vbe gha die uwu Ọgua Osa mwẹ do mu awua yọ!

Ezikiẹl 44:10

E Nọyaẹnmwa keghi tama mwẹ wẹẹ, “I ra rri iran oya ighe ivbi e Livai, ni vbe deba avbe ivbi Izrẹl nekpa he mwẹ yotọ, iran na ya gha gho ẹbọ.

Ezikiẹl 7:20

Ẹghẹ okpa, iran keghi gha ya ikpẹrọnmwọ itegbe iran ni mose hio, sokpan, iran keghi ya iran gha mannọ amazẹ ni hu ọmwa ẹko. Ọnii ọ si ẹe ne Nọyaẹnmwa na ya ẹfe iran khian ne ọ ghi sọnnọ iran.

Ezikiẹl 8:11

Avbe ọkaolotu Izrẹl ekigbesiyenẹ kegha rre evba, kevbe Jaazanaia ne ovbi e Siafan. Dọmwadẹ ọghọe keghi mu emwi ne a ya gien eturari mwẹ obọ, eturari nii kegha zẹ ighogho ladian.

Ezikiẹl 8:16

Ọ na rhie mwẹ gha rrie ọgua ne ọ ke uwu ẹre vbe Ọgua Osa. A ghi do ghe ikpia isẹn yan ugie mudia ye ẹkpo onurho ne a la la uwu ehe nọhuanrẹn kevbe ogiukpo. Iran viọ iyeke da ehe nọhuanrẹn. Iran wa kakabọ ghughẹrre ghe odẹ ahọ, iran gha ga owẹn ne ọ da yan rre dee.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.