Jerimaia 22:26 - Edo Bible (E Baibol Ẹdo) Version 1996

²⁶ I gha sua uwẹ vbe iye uẹ gha rrie iwe, Wa gha kpao gha rrie ẹvbo ne ẹ i re ne a na biẹlẹ uwa, evba wa eveva ra na wulo.

Jerimaia 22:26 ပူးပေါင်းရင်းမြစ်များ

II Ọba 24:15

E Nebukiadneza keghi mu e Jehoiakin gha rrie Babilọn zẹ vbe oghunmwu, ke ẹe kevbe iye ẹe, kevbe avbe amwẹ ọnrẹn, iran ni rre ukpo, kevbe emwa ni hin ukhuaẹn vbe Juda.

II Ọba 24:8

Ukpo erẹnrẹn ọre Jehoiakin gha ye vbe ọ rriọba e Juda, ọ keghi gbe uki eha vbe ẹkete vbe Jerusalẹm, a kegha tie iye ẹe Nehusta ne ovbi Elnatan ne okhuo, ne ọ ke Jerusalẹm rre.

II Ọba 25:27

Ukpo ne Ivomẹrodak rri ọba e Babilọn, ọ keghi tohan Jehoiakin ne ọba ọghe e Juda, ọ na fan ẹn hin ẹwẹdọ rre. Ikpẹdẹ eha irrọvbọgban ọghe ukpo ne ogiweva ọghe ukpo ne ọ ya gba vbe ukpo eha irrọvbiyeva ne a mu e Jehoiakin oghunmwu.

II Ọba 25:29

A keghi vbe kue ne Jehoiakin fi ẹwu oghunmwu ẹnrẹn werriẹ, kevbe ne ọ vbe ya gha rri evbare vbe e tebul ọba vbe ẹdẹ agbọn rẹn ni ghi dekẹe.

II Ọba 25:30

Vbe ikpẹdẹ ne ọ ghi ya vbe agbọn hia, ẹdẹgbegbe, ọre a ghi ya gha rhie igho ne ọ gha sẹ e lo vbe ẹdẹ nẹdẹrriọ ne ẹẹn.

Aizaia 22:17

U sẹtin gha re ọmwa kpataki, sokpan, Nọyaẹnmwa gha gua a rhie, ọ ghi fi ọ fua.

Jerimaia 10:18

Nọyaẹnmwa ra filo uwa kua hin otọe na rre, ọ khian rẹnkhẹn uwa a rhinrin a te do miẹn wẹ ọkpa ma ghi kẹe vbe uwu uwa. E Nọyaẹnmwa tae nẹ.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 22:27

Wa gha wa ho ne uwa te dọlegbe ye aro kan ẹvbo na, sokpan, wa i ghi dọlegbe dee.”

Jerimaia 28:4

I gha vbe rhie ọba e Juda dọlegbe rre, ighe Jehoiakin ne ovbi e Jehoiakim, deba emwa e Juda hia fẹẹrẹ ni gha rrie iwe vbe Babilọn. Ẹn, te I ra bun ẹtin ọba e Babilọn, Mẹ ne Nọyaẹnmwa ọ re ọ tae.”

Jerimaia 29:2

A mu Jehoiakim, iye ẹe, avbe ekhaẹmwẹ ẹguae, avbe ọkaolotu e Juda kevbe Jerusalẹm, avbe owinna kevbe emwa ni guẹ iwinna, kpao gha rrie iwe nẹ, I ke gbẹn nene ebe.

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”