Jerimaia 22:25 - Edo Bible (E Baibol Ẹdo) Version 1996

²⁵ I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 22:25 ပူးပေါင်းရင်းမြစ်များ

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

Itan 10:24

Emwi ne emwa ẹmwata ho ghi gha sẹ iran obọ, sokpan, emwi ne ohan rẹn mu avbe emwa dan sẹẹ, ọ re iran ra gha miẹn.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 22:28

Mẹ keghi kha wẹẹ, “E Jehoiakim ne ọba wa vbe yevbe uru ne ọ wu ne a mu fua, ne ọmwarhọkpa i gualọ nẹ ra? Ọnii ọ siẹe ne a na viọ irẹn vbe ivbi ẹre gha rrie iwe vbe otọ ne a ma rẹn emwi rhọkpa vbe ekpa ẹre?”

Jerimaia 27:6

Mẹ ọrọre ọmwa ne ọ viọ avbe uhunmwu ẹvbo na hia ye ototọ ẹtin ọguọmwadia mwẹ ighẹ Nebukiadneza ne ọba e Babilọn, uhin ya sẹ egbe aranmwẹ oha, te I wẹ ne iran gha gae.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”