Jerimaia 22:23 - Edo Bible (E Baibol Ẹdo) Version 1996

²³ Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 22:23 ပူးပေါင်းရင်းမြစ်များ

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 22:6

Te ẹguae ọba e Juda ye mose mose vbe aro mwẹ, zẹ vbene iran ye ighe otọe Giliad kevbe avbe Oke Lebanọn, sokpan, I gha ya ẹe khian otọe ne ọ dihoi rua, ehe ne ọmwarhọkpa i ye.

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 6:24

Ivbi e Jerusalẹm keghi kha wẹẹ, “Ma họn ẹmwẹ na nẹ, obọ mwa keghi luẹluẹ ye ima egbe, akhiẹ kevbe obalọ hihiẹ yan mwa, zẹvbe okhuo ne emwi ubi-ẹmwẹ ru.

Ezikiẹl 17:3

Ne iran rẹn emwi ne imẹ ne Nọyaẹnmwa ne Udazi tama iran na. Oghohọn ne gẹdẹgbẹẹ okpa kegha rrọọ, igan rẹn hia wa kọnkọn, ehia keghi vbe mose, ọ ghi wa rhan ifuẹn ni uan gbadaa. Ọ keghi tin gha rrie uhunmwu oke Lebanọn, ọ na kpan ukpe sida ọkpa,

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Emọs 9:2

Ọ gha khọn iran ne iran kpahiẹ la ẹrinmwi vbe uwu otọ, te obọ mwẹ gha vba iran, ọ gha khọn iran, iran hin odukhunmwu la ẹrinmwi, te I silo iran tuorre.

Obedaia 1:4

Ọ gha khọn ruẹn ne u bọ owa ruẹ ye ehe ne ọ yo zẹ vbe oko oghohọn ne ọ ghi na do gha yevbe ne ọ rre ehe ne avbe orhọnmwẹ ye, Sevba te I ra siọ sẹ otọ.

Habakọk 2:9

Ọghe uwa fo! Emwi ne uwa ya uyinmwẹ ika gbe emwa miẹn iran re, ọ re uwa ya họn ẹfe, ne ẹgbẹe uwa, wa keghi vbe gha ho ne owa uwa gha rrọ vbene ẹ i mwẹ ẹbe ra ikuangbe!

Nọmbas 24:21

Ọ vbe miẹn avbe emwa Ken vbe umian, ọ keghi guan vbe akhasẹ wẹẹ: “Ehe ne uwa ye, ẹkun wa sẹ uwa otọ, ne ẹbe i ye zẹ vbe oko ahianmwẹ vbe uhunmwu okuta.