Jerimaia 22:19 - Edo Bible (E Baibol Ẹdo) Version 1996

¹⁹ Otiti ne ọ rre irorinmwi ekẹtẹkẹtẹ, ọ re a ra ya si ẹe ladian a ghi fi ẹe fua. Vbe a ladian onurho e Jerusalẹm rre nẹ.”

Jerimaia 22:19 ပူးပေါင်းရင်းမြစ်များ

I Ọba 14:10

Rhunmwuda ọna, I gha gie ọkhọ rruan ruẹn I ghi gbele emọ ikpia ni rre uniẹn ruẹn hia kevbe ibiẹka kevbe eniwanrẹn. I gha ru ẹe ne ẹgbẹe ruẹ gbe ẹro, a ghi kpolo iran kua zẹ vbe isan ẹmila.

II Ọba 23:36

Ukpo isẹnyan ugie ọre Jehoiakim gha ye vbe ọ rriọba e Juda. Ọ keghi gbe ukpo owọrọ vbe ẹkete vbe Jerusalẹm. A kegha tie iye ẹe Zebida ne ovbi e Pedaia ne okhuo, ne ọ ke ẹvbo ne a tie ẹre Ruma rre.

II Ọba 24:6

E Jehoiakim keghi wu, ovbi ẹre ighẹ Jehoiakin keghi rriọba lele ẹe.

II Ọba 9:35

Sokpan, emwa ni ya re ẹre ma ghi miẹn vbo gberra ugboloko uhunmwu ẹnrẹn, ugboloko obọ ẹre kevbe ugboloko owẹ ọre.

II Krọnikol 36:6

E Nebukiadneza ne ọba e Babilọn keghi mu okuọ gha die Juda, ọ na khọn mu e Jehoiakim, ọ keghi ye ọgiọrọ rrọ ẹre, ọ na mu ẹẹn gha rrie Babilọn.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 36:30

Rhunmwuda ọnii nian, mẹ ne Nọyaẹnmwa tama ruẹn, wẹ ne Jehoiakim ne ọba wẹ, a i ra miẹn ovbuẹ ne ọ gha rriọba yan otọ arriọba e Devid. A gha mu ikun ruẹn fua fi ehe ne ovẹn gha na gha gbe ẹe vbe avan amẹ ghi gha guẹguẹ yan rẹn vbe asọn.

Jerimaia 36:6

I gha ho ne uwẹ gha khian vbe ẹghẹ ne iran gha na dọlegbe gha rre aguẹ. U ghi tie ebe ohian na ladian, ne emwa họn avbe ẹmwẹ ne Nọyaẹnmwa tama mwẹ kevbe wẹ mẹ ọ re ọ talọe nuẹn gbẹnnẹ. U ghi ru emwi na vbe ehe ne emwa hia gha na sẹtin họẹn, ya sẹ egbe avbe ivbi e Juda ni ke ẹvbo iran ladian gha dee.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Ezikiẹl 19:8

Avbe uhunmwu ẹvbo keghi si koko ne iran do gu ẹe gbinna, emwa keghi ke ehe hia rre. Iran rhuẹ ọga ne iran ya ru ohuẹ, iran na ye ifi iran mu ẹẹn.

Ezikiẹl 39:5

Iran gha dele wu vbe oha ne gbẹlẹzẹ. Mẹ ne Nọyaẹnmwa ne Udazi ọ re ọ tae.