Jerimaia 22:18 - Edo Bible (E Baibol Ẹdo) Version 1996

¹⁸ Rhunmwuda ọnii, e Nọyaẹnmwa khare vbekpa e Josaia, ovbi e Jehoiakim ne ọba Juda wẹẹ, “Ọmwarhọkpa i ra khiẹ uwu ẹre ra ne ọ kha wẹẹ, ‘Ẹta ọse mwẹ, ẹta ọse mwẹ o!’ A i miẹn ọmwa ne ọ gha viẹ ọe nẹ, ọ kha wẹẹ, ‘Enaẹmwẹ! Ọba mwẹ!’

Jerimaia 22:18 ပူးပေါင်းရင်းမြစ်များ

II Samuẹl 1:26

“I kakabọ khiẹ ruẹ, e Jonatan ne ọtẹn mwẹ, u miẹn vbe ẹmwẹ ruẹn te ye mwẹ hẹẹ! Ọyunnuan ọ re aho ẹmwẹ ọmwa ne u mwẹ ghe mwẹ te khin, ọ te sẹ aho ẹmwẹ ọmwa okhuo.

I Ọba 13:30

Ọ re ẹre ye idin ẹgbẹe irẹn, rẹn vbe ivbi ẹre keghi viọe wẹẹ, “Eyowo ọtẹn mwẹ ne ọtẹn mwẹ.”

II Ọba 23:36

Ukpo isẹnyan ugie ọre Jehoiakim gha ye vbe ọ rriọba e Juda. Ọ keghi gbe ukpo owọrọ vbe ẹkete vbe Jerusalẹm. A kegha tie iye ẹe Zebida ne ovbi e Pedaia ne okhuo, ne ọ ke ẹvbo ne a tie ẹre Ruma rre.

II Ọba 23:6

Ọ keghi mu amazẹ Asiẹrra ne ẹbọ ne okhuo hin Ọgua Osa rre, ọ keghi mu ẹẹn ladian ore ẹvbo gha rrie iya e Kidrọn, ọ keghi giẹn ọnrẹn uan, ọ na dunmwu emuẹn ọnrẹn khian ebubẹ, ọ na bọnmwẹ ọẹn lele itẹ ne a mu emwa hia yi.

II Ọba 24:6

E Jehoiakim keghi wu, ovbi ẹre ighẹ Jehoiakin keghi rriọba lele ẹe.

I Krọnikol 3:15

E Josaia kegha mwẹ emọ ikpia enẹ, ena ọ re Johanan, Jehoiakim, Zedekaia kevbe Joahaz.

II Krọnikol 35:25

E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.

II Krọnikol 36:5

Ukpo isẹn yan ugie ọre Jehoiakim gha ye vbe ọ rriọba vbe Juda ọ keghi ya ukpo owọrọ vbe ẹkete vbe Jerusalẹm. Ọ keghi sẹmwẹ e Nọyaẹnmwa ne Osanobua ẹre.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 21:11

E Nọyaẹnmwa keghi tama mwẹ wẹ ne I gha rrie owa ọba e Juda ne ovbi uniẹn e Devid ne I ya tama iran wẹẹ, “Danmwehọ ẹmwẹ ne imẹ ne Nọyaẹnmwa tae. Gie a miẹn wẹ ohiẹn ẹmwata ọ re a bu ẹdẹgbegbe. Mudia ne ọmwa ne a mu ru vbe ehe ne ọmwa ne ọ mu ẹẹn ru ye. A deghẹ u ma ru vberriọ, emwi dan ne u ru gha ye ohu mwẹ giẹn zẹ vbe erhẹn ne a i sẹtin dọyọ.

Jerimaia 22:10

Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Jerimaia 22:12

Ẹvbo ne iran mu ẹẹn gha rrie ọ re ọ ra wu yi, ẹ i ghi dọlegbe ye aro kan otọe na ọvbehe.”

Jerimaia 34:5

Ẹghẹ ọfumwegbe ọ re u ra na wu zẹ vbene emwa giẹẹn eturari, ẹghẹ ne iran na ree avbe erha odede, iran ni rriọba ke aro ne uẹn, erriọ ọ re iran ra vbe giẹn eturari ne uẹn. Iran gha khiẹ ruẹ iran ghi kha wẹẹ, ‘Owẹn ọba mwẹ de okun!’ Mẹ ne Nọyaẹnmwa ọ re ọ taa ẹe.”

Jerimaia 36:30

Rhunmwuda ọnii nian, mẹ ne Nọyaẹnmwa tama ruẹn, wẹ ne Jehoiakim ne ọba wẹ, a i ra miẹn ovbuẹ ne ọ gha rriọba yan otọ arriọba e Devid. A gha mu ikun ruẹn fua fi ehe ne ovẹn gha na gha gbe ẹe vbe avan amẹ ghi gha guẹguẹ yan rẹn vbe asọn.