Jerimaia 22:17 - Edo Bible (E Baibol Ẹdo) Version 1996

¹⁷ Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 22:17 ပူးပေါင်းရင်းမြစ်များ

I Ọba 21:19

U ghi tama rẹn wẹ mẹ ne Nọyaẹnmwa ọ re ọ tama rẹn wẹẹ, ‘U gbe ọmwa ran nẹ, te u ghi ra vbe rri ọ re ukhu ra? Tama rẹn wẹ vbenian ọre I khare. Ehe ne avbe ekita na lalọ esagiẹn e Nabot, evba dandaandan iran gha na vbe lalọ ọwuẹ!’ ”

II Ọba 23:37

E Jehoiakim keghi lele ukpowẹ erha ẹe odede, ọ na sẹ ẹmwẹ e Nọyaẹnmwa.

II Ọba 24:4

kpataki, rhunmwuda emwa ni ma rukhọ ne ọ gbele, ọnii ma gie Nọyaẹnmwa yabọ e Manasẹ.

II Krọnikol 36:8

Emwi ne Jehoiakim ru hia, ya sẹ egbe uyinmwẹ ẹwobi, kevbe avbe emwi dan hia ne ọ ru, a gbẹnnẹ ọẹn ye Ebe Okha avbe Ọba ọghe Izrẹl kevbe Juda. E Jehoiakin ne ovbi ẹre keghi rriọba lele ẹe.

Job 31:7

Adeghẹ I biegbe lahin odẹ ẹmwata rre, ra ne emwi viẹn yọ mwẹ aro ghe ọkhọ, adeghẹ orukhọ ya iruẹn yọ mwẹ obọ,

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Itan 24:2

Iro ne iran zẹ ma gberra ne a gha si ẹti khian, ẹghẹikẹghẹ ne iran a rhirhi ya rhan unu iran, ọ ghi zẹ ẹbe ne emwa ọvbehe eso.

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Jerimaia 19:4

I ra ni ẹe vberriọ rhunmwuda, avbe emwa na hee mwẹ yotọ nẹ, iran kevbe mu awua la emwa na vbekpa ne iran na gha zọ ese ghe avbe ẹbọ ọvbehe vbe emwa na, avbe ẹbọ ne iran tobọ iran ra avbe erha iran odede ra avbe ọba e Juda ma rẹn emwikemwi vbe ekpa ẹre. Iran ye esagiẹn emwa ni ma rukhọ vuọn emwa na.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Jerimaia 7:6

Wa ghẹ ghi zẹ ebubẹ ye avbe erriọvbe aro kevbe avbe emọ ni i mwẹ erha kevbe ẹgbẹe. Wa dobọ emwa ni ma rukhọ ne a gbele yi vbe otọe na. Wa dobọ avbe ẹbọ ọvbehe ne uwa ga yi, te ọnii ra miẹn uwa uhunmwu.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Ezikiẹl 18:12

Ọ gbe ivbiogue rhu, ọ rha, ọ wa rhie emwi ne ọmwa ne ọ mọmọ ẹre emwi rhie ne ẹẹn dayi. Ọ yo avbe aro ẹbọ iran ni ga ẹbọ, ọ vbe ga avbe ẹbọ osọnnọ.

Ezikiẹl 19:6

Ugbẹn vbe ọ ghi wan fo nẹ, ọ keghi deba avbe oduma nekpa gha kọn. Rẹn tobọ ẹre keghi ruẹe ohuẹ ne a ru ọ na vbe do khian emwi ne ọ rri ọmwa.

Ezikiẹl 19:7

Ọ dunmwu avbe odin ẹvbo, ọ rẹnkhẹn avbe okpẹvbo, ẹghẹikẹghẹ ne ọ ya davan, emwa ni rre ẹvbo nii ghi runran.

Ezikiẹl 19:9

Iran keghi mu ẹẹn ye uwu ẹkpẹti okhuae, iran na mu ẹẹn gie ọba e Babilọn. Iran keghi viọ emwa ne iran gha ba ẹe ne a ghẹ ghi dọlegbe họn vbe ọ vannọ ọvbehe vbe uhunmwu oke Izrẹl.

Ezikiẹl 22:6

Ẹtin ekuabọ iran ọ re avbe ọkaolotu ivbi Izrẹl hia mu ẹtin yan, iran keghi vbe de izigha.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Maika 3:10

Te uwa bọ e Jerusalẹm ne ẹvbo Osanobua yan ẹyotọ izigha kevbe a i bu ohiẹn ẹmwata.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

I Kọrinti 6:10

Iran ni rhaa, iran ni zuan, iran ni da ayọn gbe egbe, iran ni ta ẹrrẹe ọtakhọ, ra iran ni gbe olighi, ne Arriọba Osanobua gha sẹ ọre obọ, ẹ i rrọọ.

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.