Jerimaia 22:14 - Edo Bible (E Baibol Ẹdo) Version 1996

¹⁴ Ọwiri nọ ne ọmwa ne ọ khare wẹẹ, “I gha bọ owa ẹrẹkhẹrẹ ne egbe mwẹ ne ughugha gbadagbada rre odukhunmwu vbọ.” Rhunmwuda ọnii, ọ gia ewindo ye owa ẹre ọ ya isida yi ẹkhu yọ, ọ keghi ya ẹmu ne ọ baa rra ẹre.

Jerimaia 22:14 ပူးပေါင်းရင်းမြစ်များ

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

II Krọnikol 3:5

Ọgua nọkhua ne ọ rrọ, a keghi ye ekpatako sida gue ẹre, a keghi ya igoru nọ mose rhu ẹe, a na gbẹnnẹ ona ọghe udin kevbe ọgiọrọ lele ẹe.

Itan 17:19

Ọmwa ne orukhọ yẹẹ, ẹti ne a si ọ re ọ vbe ye ọre. U gha wa gha rhuọ vbe ẹghẹ hia, orueghe ọre u fie ho.

Itan 24:27

Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe da ẹe ighe u gha sẹtin gha miẹn evbare unu.

Ihuan Ne Ọ Sọọ Ihuan Hia 1:17

Avbe sida ọ ra gha re inianwẹ vbe owa mwa. A ghi ya uvbiakhẹ ru ihie ẹre.

Aizaia 9:9

Avbe ivbi Izrẹl hia, avbe emwa hia ni rre ore ẹvbo e Sameria, gha rẹn wẹ ọ ru ọna nẹ. Banbanna nian, iran hia wa tọn egbe mu. Iran khare wẹẹ,

Ezikiẹl 23:14

“Ọ keghi gha rhia yọ rhia yọ vbe ukẹkẹmwẹ ọnrẹn. Amazẹ ọghe avbe ivbiyokuo ni yọ ododo vbe ivbi Asiria, ne a ka ginna ekẹn, a na vbe ya ẹmu ne ọ ba woo rra ẹre, vbene iran na mu ugbẹkun ẹrọnmwọ gba, a na vbe ya ukpọn irriegie ni mose gbalọ iran uhunmwu lẹga, ọ keghi wa viẹn ye ọre aro.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Hagai 1:4

“Wa ne emwa mwẹ, vbọzẹ ne uwa gha na gha rre owa ne a bọlọe ẹsẹse vbe Ọgua Osa mwẹ re itowa?

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”