Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 21:13 - Edo Bible (E Baibol Ẹdo) Version 1996

13 E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

အခန်းကိုကြည့်ပါ။ ကော်ပီ




Jerimaia 21:13
21 ပူးပေါင်းရင်းမြစ်များ  

Zẹ vbene oke lẹga Jerusalẹm, erriọ Nọyaẹnmwa lẹga emwa rẹn banbanna kevbe ẹdẹdẹmwẹdẹ.


Ivbi Izrẹl keghi kpao vbe Sukọt, iran na ya yakọ vbe Etem vbe Ọkpẹn ato.


A gha suẹn emwiukpo nii, wa ghi rhan otọ ẹre ma ivbi uwa wẹ, emwi ne uwa ru ena ba ọrọre rhunmwuda emwi ne Nọyaẹnmwa ru ne uwa vbe uwa kpao vbe otọe Igipt rre.


Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?


Kevbe avbe oke nekhua vbe oha. I gha gie avbe eghian uwa viọ avbe ẹfe emwi ewe uwa gha rrie rhunmwuda avbe orukhọ hia ne uwa he ru lele otọe uwa hia.


I gha ye ye ẹtin mwẹ hia, ohu mwẹ hia, izohu mwẹ hia kevbe okuosu mwẹ hia gu uẹ gbinna.


Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.


E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.


E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.


Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’


Orhiọnkpa i vbe rrọọ uhin ya sẹ egbe avbe ogie isi, ne ọ te ro wẹ, okuo rhọkpa gha sẹtin la onurho e Jerusalẹm.


Rhunmwuda ọnii, e Nọyaẹnmwa ne Udazi tama iran wẹẹ, “Emwi ne a zẹ ta ọ re ẹmwẹ uwa khin, ohoghe ọ re umian uwa vbe khin, rhunmwuda ọnii, ohu uwa wa mu mwẹ.


Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.


Mẹ ne Nọyaẹnmwa ne Udazi tae nian wẹ oghian uwa ọ re I khin, I gha miẹn uwa ohuan mwẹ, mẹ i ghi dọlegbe gie uwa gha re ọsuohuan iran ọvbehe, mẹ i ghi ra dọlegbe kue ne a miẹn wẹ egbe uwa ọkpa ọ re uwa gbearoghe. I gha wọlọ avbe ohuan mwẹ hin obọ uwa rre, mẹ i ghi ra gie uwa gbele iran re ọvbehe.


Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.


Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”


Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ