Jerimaia 2:6 - Edo Bible (E Baibol Ẹdo) Version 1996

⁶ Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 2:6 ပူးပေါင်းရင်းမြစ်များ

II Ọba 2:14

Ọ keghi mu agbada ẹwu Elaija gbe ẹzẹ, rẹn na kha wẹẹ, “E Nọyaẹnmwa ne Osanobua Elaija vboo?” Ọ keghi dọlegbe mu emwi ghe amẹ, ọ na ghae egbe ye eva, rẹn keghi fian ẹn rra ghe obọ nọkpa.

Job 3:5

Gi ẹe khian ẹdẹ akhiẹ kevbe ebiebi ne ọ mwẹ imi, ye okuku amẹ gue ẹre, ne u khiẹn owẹn fua vbọ.

Job 35:10

Sokpan, iran i bu Osanobua ne ayi ne ọ yi iran gha khian. Ọmwa ne ọ rhie idaehọ ne iran vbe ẹghẹ iran ne ọ so ebiebi sẹ.

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 77:5

I mu ẹmwẹ ẹghẹ ne ọ gberra ro, I ye avbe ukpo ni gberra ni kpee fua rre.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Jerimaia 51:43

Avbe okpẹvbo ni rrọọ khian emwi ne ọ mianmwẹ ughe, ọ keghi vbe yevbe ato ne amẹ i ye, ehe ne emwa i ye a ma wẹ te emwa ra khian sọe.

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 32:10

“Ọ keghi vbe miẹn vbe iran hẹ yo hẹ rre vbe uwu ato, ato ne emwa i ye ne ẹhoho kpolo, ọ degue iran, ọ na gbe aro ghe iran zẹ vbe ne ọ gha ru egbe irẹn.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Giọgis 6:13

E Gidiọn keghi kha wẹẹ, “Enọwanrẹn, gun mwẹ nọ ọta wẹ, adeghẹ e Nọyaẹnmwa gele rrọọ yaba ima, vbọzẹ ne ena hia ghi na rruan ima? Iwinna ọyunnuan hia ne avbe erha ima tama ima wẹ e Nọyaẹnmwa te ru, vbene ọ ya viọ iran ke otọ Igipt ladian hẹ, vbe irẹn a ghi ye? E Nọyaẹnmwa yangbe ima nẹ, ọ na sẹ ima rae ne ivbi e Midian gha ru ima emwi ne ọ rhirhi khọn iran.”