Jerimaia 2:37 - Edo Bible (E Baibol Ẹdo) Version 1996

³⁷ Wa gha kpa hin ehe ne Igipt ye rre, wa ghi ye ekhue mu uhunmwu yan izabọ. Mẹ ne Nọyaẹnmwa he iran ne uwa mu ẹtin yan nẹ. Wa i ra miẹn ọ maa okpa rhie vbe obọ iran.”

Jerimaia 2:37 ပူးပေါင်းရင်းမြစ်များ

II Samuẹl 11:12

Ẹre Devid ghi na kha wẹẹ, “Ọ maa, mudia vbe emwa na ẹrẹna, akhuẹ, I gha wẹ ne u werriegbe gha khian.” Ẹre Uraia ghi na mudia vbe Jerusalẹm ẹdẹ ne ẹdọ kevbe ẹdẹ ne ọ lele ẹe.

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 28:18

A ghi so ẹe gọ ighe ọta ne uwa gu uwu ko, a gha vbe khiẹn ruan ighe ota ne uwa gu agbọn iran ni wulo nẹ ta mukọ ye efọnkpa. Ọ gha hihiẹ rre ighe ọfuan, ọ ghi kpolo uwa viọ gha rrie.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Jerimaia 14:4

Rhunmwuda ne amẹ ma na rhọ, te otọ hia ghi kaka, udu gha kpe avbe ọgbugbo.

Jerimaia 17:5

E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 22:20

Ivbi e Jerusalẹm, wa gha rrie Lebanọn ya go, wa gha rrie Basian ya viẹ wa ke oke Moab da tie emwa rhunmwuda, obọ ke okhunmwu ne iran ni deba ruẹ hia nẹ.

Jerimaia 22:30

“A bu abe gbe ọmwa na nẹ ne ọ gha re ọmwa ne emọ gha wulo, ne ọ gha re ọmwa ne emwi i ra dunna na. Ẹ i ra gha mwẹ emọ ne ọ gha rriọba vbe Juda zẹ vbe iran ni mudia ye ihe Devid. Mẹ ne Nọyaẹnmwa ọ re ọ taa ẹe.”

Jerimaia 32:5

A gha mu e Zedekaia gha rrie Babilọn. Ọ gha vbe gha rre odọ nii I te do ru ẹre emwi ne I gha ru ẹre re. Ọ gha khọn rẹn ne ọ gu ivbi e Babilọn gbinna, ẹ i dunna ne ẹẹn. Mẹ ne Nọyaẹnmwa taa ẹe nẹ.”

Eve Orriara 4:17

Ma rhie aro ye odẹ rhinrin egbe ẹre te wọ mwa ighe iyobọ nẹ a khẹ ne ẹ i dee. Ma na gha khẹ iyohọ vbe obọ uhunmwu ẹvbo, ne ẹ i mwẹ iyobọ okpa ne ọ gha sẹtin ru.

Nọmbas 14:41

E Mosis keghi wanniẹn wẹẹ, “Vbọzẹ khekherriọ ne u wa ra na vbe he uhunmwu ye Nọyaẹnmwa obọ na? Ẹtin uwa i sẹ ọe.